Kosova
Mjekët shqiptarë të Austrisë ftohen të japin kontribut në Kosovë
MInistri i Shëndetësisë së Kosovës tha se shëndetësia në Kosovë ka nevojë për ndihmë të strukturuar, e ku diaspora mund të bëjë shumë në këtë drejtim.
![](https://www.albinfo.ch/wp-content/uploads/2022/07/fb_img_1657744979943.jpg)
Ministri i Shëndetësisë i Kosovës, Rifat Latifi ka ftuar të gjithë mjekët shqiptarë të Republikës së Steiermarkut-Grazit të Austrisë për bashkëpunim në transformimin dhe zhvillimin e sistemit shëndetësor të Kosovës.
Në një takim që zhvilloi me ta, Latifi shpalosi prioritetet e tij, duke veçuar shtatë shtyllat e transformimit të shëndetësisë, ndër to edhe kthimi i trurit dhe formimi i 14 Qendrave Ekselente, raporton Albinfo.ch.
Për këtë çështje, ai ftoi mjekët shqiptarë në Graz për bashkëpunim, pasi që kthimi i trurit në këtë kohë është më se i domosdoshëm.
Mjekët dhe studentët shqiptarë u shprehën mirënjohës për vizionin e Ministrit Latifi dhe njëherit të gatshëm për bashkëpunim për zhvillimin e shëndetësisë së Kosovës.
“Ministri iu drejtua të pranishmëve duke thënë se kontributi i të gjithëve është më se i nevojshëm në këtë periudhë, pasi që pacienti është në rend të parë dhe se prioriteti kryesor është ofrimi i shërbimeve sa më të mira për qytetarët e Republikës së Kosovës”, thuhet në njoftim.
Pjesë e këtij takimi kanë qenë edhe pjesëtarë të suksesshëm të fushës së bizneseve dhe të shoqatave të ndryshme shqiptare në rajonin e Grazit.
Ata u shprehën të gatshëm për të kontribuar dhe bashkëpunuar me ministrin Latifi për transformimin e shëndetësisë, në mënyrë që qytetarët të kënë shërbime më të mira shëndetësore.
Ky takim i ministrit Latifi u realizua në kuadër të vizitës së tij zyrtare në Austri.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë