Në konceptin e saj të ri, NATO shpall Rusinë si kërcënimin më të madh

"Marrëdhëniet mund të ndryshojnë përsëri vetëm nëse Rusia pushon sjelljen e saj agresive dhe respekton plotësisht ligjin ndërkombëta"

Krerët e shteteve dhe qeverive të 30 vendeve të NATO-s kanë vendosur për një koncept të ri strategjik për aleancën ushtarake, transmeton albinfo.ch. Në dokumentin bazë për planifikimin politik dhe ushtarak, Rusia përshkruhet si “kërcënimi më i madh dhe më imediat për sigurinë e aleatëve dhe për paqen dhe stabilitetin në zonën euro-atlantike”.

Nga ana tjetër, Kina identifikohet si sfidë.

Koncepti i ri strategjik zëvendëson versionin e mëparshëm të vitit 2010. Në atë kohë, aleatët ende shpresonin se koha e tensioneve të mëdha me Rusinë kishte përfunduar dhe po llogarisnin në një “partneritet të vërtetë strategjik” me këtë vend.

Koncepti i ri tani thotë: “Në funksion të politikave dhe veprimeve të tyre armiqësore, ne nuk mund ta konsiderojmë Federatën Ruse si partnerin tonë”, shkruan srf.ch. Marrëdhëniet mund të ndryshojnë përsëri vetëm nëse Rusia pushon sjelljen e saj agresive dhe respekton plotësisht ligjin ndërkombëtar.

Megjithatë, NATO mbetet e gatshme të mbajë hapur kanalet e komunikimit me Moskën në mënyrë që të reduktohen rreziqet, të parandalohen përshkallëzimi dhe të krijohet më shumë transparencë.

---