Lajme
Policia e Lucernit kap nëntë trafikantë droge nga Zvicra dhe Shqipëria
Policia ka sekuestruar para që dyshohet se vinin nga tregtia me drogë, me vlerë prej rreth 100,000 frangash. Veç parave, janë sekuestruar edhe narkotikë dhe armë
![](https://www.albinfo.ch/wp-content/uploads/2022/04/paret-lucern.jpg)
Nëntë persona dyshohen se kanë zhvilluar një tregti profesionale droge në Zvicrën qendrore. Gjatë kontrolleve të shtëpive, policia e Lucernit ka sekuestruar para që dyshohet se vinin nga tregtia me drogë, me vlerë prej rreth 100,000 frangash, transmeton albinfo.ch Veç parave, janë sekuestruar edhe lëndë narkotike dhe armë.
Në 13 kontrolle të kryera në shtëpi të ndryshme, policia ka sekuestruar 531 gramë kokainë, 128 gramë heroinë, 48 gramë marijuanë, materie përpunimi të drogës dhe armë.
Të akuzuarit dyshohen se kanë tregtuar dhjetë kilogramë kokainë dhe gjashtëqind gramë heroinë nga prilli deri në dhjetor të vitit 2020. Sipas prokurorit publik, droga importohej nga Shqipëria dhe shitej në Zvicrën qendrore, shkruan sda.ch. Disa të dyshuar do të ishin tashmë në paraburgim.
Në mesin e të dyshuar janë tre të akuzuar kryesorë dhe një korrier. Sipas njoftimit, këta katër meshkuj vijnë nga Zvicra dhe Shqipëria. Ata janë arrestuar nga policia e Lucernit në dhjetor të vitit 2020 dhe në mars 2021, përcjell albinfo.ch. Të dyshuarit tjerë, ishin “shërbëtorë”, të tyre, ka thënë një zyrtar i policisë për Agjencinë e Lajmeve Keystone-SDA.
Përveç autoriteteve të hetimeve penale të Lucernit, në shpërbërejen e rrjetit të drogës janë përfshirë edhe policia federale kriminale dhe zyra e prokurorisë federale.
(Fotot: Luzerner Polizei)
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë