Cilat do jenë prioritetet kryesore të Francës gjatë Presidencës së BE-së

“Rinisje, pushtet, përkatësi”, këto janë 3 akset e presidencës së radhës franceze të Bashkimit Europian, e cila nisi më 1 janar 2022.

Presidenti i Francës, Emmanuel Macron, i cili e paraqet veten si një europian të bindur, e ka shprehur disa herë rëndësinë që i kushtoi kësaj presidence gjashtëmujore, e cila do të përkojë me fushatat për zgjedhjet presidenciale të 10 dhe 24 prillit dhe më pas me zgjedhjet legjislative të planifikuara. Para marrjes së detyrës, presidenti Macron zhvilloi një konferencë duke prezantuar prioritetet e presidencës.

“Nëse do të duhej ta përmblidhnim objektivin e kësaj presidence me një fjali, do të thosha se ne duhet të kalojmë nga një Evropë bashkëpunimi brenda kufijve tanë në një Evropë që është e fuqishme në botë, plotësisht sovrane, e lirë nga zgjedhjet e saj dhe zotëruese e fatin e tij, përballë gjithë këtyre krizave që godasin Evropën, shumë do të donin të mbështeteshin vetëm te kombi. Këto kombe janë forca jonë, krenaria jonë, por uniteti evropian është plotësuesi i tyre i domosdoshëm. Ne duhet të veprojmë si evropianë, duhet të mendojmë si evropianë”, tha Macron.

Objektivat e tij janë në veçanti të “forcojë sovranitetin evropian”, veçanërisht përmes autonomisë ushtarake, të reformojë marrëveshjet e Shengenit, të avancojë “paketën e klimës” me taksimin e karbonit dhe të rindërtojë “një traktat paqeje dhe miqësie me Afrikën “nën patronazhin e BE-së.

Kjo presidencë e radhës e Këshillit të BE-së, e cila mbledh së bashku 27 vendet anëtare, por nuk qeveris Komisionin, do t’i lejojë Francës të moderojë debatet dhe të parashtrojë prioritetet e saj.

Presidenca franceze e BE-së do të zhvillohet në mes të “krizës së shëndetit dhe klimës”, “pabarazive në rritje globale”, por edhe përballë “tensioneve në rritje” në kufirin lindor të BE-së.

Sovraniteti i BE-së

Objektivi i parë i presidencës franceze do të jetë “kalimi nga një Evropë bashkëpunimi brenda kufijve në një Evropë të fuqishme në botë, plotësisht sovrane, e lirë për të bërë zgjedhjet e veta dhe zotëruese e fatit të vet”, tha kreu i shtetit.

Në fjalimin e tij, Macron tha se donte të kishte “kontroll” më të mirë të kufijve të Evropës, për të cilin ai tha se ishte një “kusht i domosdoshëm” për të përballuar sfidën e migrimit, duke u përballur me luftërat “hibride” dhe për të shmangur “dramat njerëzore”.

Në këtë drejtim, ai bëri thirrje për një reformë të zonës pa kufij Shengen sipas modelit të Eurozonës, me ngritjen e një komiteti politik drejtues dhe takime të rregullta mes ministrave. Franca do të mbrojë gjithashtu krijimin e një “mekanizmi emergjent të mbështetjes së kufirit” në bashkëpunim me agjencinë kufitare të BE-së, Frontex, i cili do të lejonte vendosjen e shpejtë të forcave të rendit dhe pajisjeve në kufi në rast nevoje.

Ambiciet e politikës së jashtme të Macron kanë të bëjnë veçanërisht me mbrojtjen e Evropës. Ai kujtoi për “progres të konsiderueshëm” në këtë fushë, duke përmendur, në veçanti, fillimin e një Fondi Evropian të Mbrojtjes në 2017. Tani, kjo duhet të “hyjë në një fazë më operacionale” dhe ta bëjë presidencën e Këshillit të BE një “moment për të përcaktuar Busulla Strategjike”.

Një model i ri evropian

Macron bëri thirrje për “imagjinimin e një modeli të ri evropian” – një ambicie që duhet të jetë në qendër të samitit të presidencës së Këshillit të BE-së që do të zhvillohet në mars. Sipas shefi te Elizese , krijimi i vendeve të punës dhe lufta kundër papunësisë  duhet të jenë një “obsesion” për BE-në.

Bëhet fjalë edhe për krijimin e “punëve të duhura”, Direktivat e BE-së për pagën minimale dhe transparencën e pagave –do të jenë kështu në zemër të presidencës franceze. Macron bëri thirrje për një rimëkëmbje  industriale në sektorë kyç si hidrogjeni, bateritë, mbrojtja, shëndeti kultura etj.

“Ne duhet të garantojmë pozicionin e Evropës dhe forcën e saj në përcaktimin e standardeve të së nesërmes. Veprimi në nivel shtetëror nuk është shkalla e duhur Franca do të kërkojë të “promovojë blerjet evropiane”.

Macron njoftoi  se disa plane investimi evropiane dhe aleanca të reja industriale. Sipas presidentit, ky model i ri do të kërkojë e rregulla të përshtatura buxhetore dhe financiare. Ai bëri thirrje për kompletimin e një kuadri të besueshëm, të thjeshtuar dhe transparent, dhe veçanërisht një bashkim të bankave dhe kapitalit në Evropë.

Agjenda e klimës

Ndërsa lufta kundër ndryshimeve klimatike nuk është përfshirë në prioritetet e presidencës franceze, modeli i ri i rritjes evropiane që Macron synon të promovojë integron plotësisht ambiciet mjedisore.

Për të arritur objektivat e BE-së për reduktimin e emetimeve të gazeve serrë deri në vitin 2030 dhe arritjen e neutralitetit të karbonit deri në vitin 2050, Macron tha se presidenca “nuk do të humbasë asnjë minutë”.

Prioriteti i presidencës franceze janë çështjet dixhitale

Në frontin dixhital, Franca shpreson të shohë përfundimin e suksesshëm të Aktit të Tregjeve Dixhitale të BE-së (DMA) dhe Aktit të Shërbimeve Digjitale (DSA). Kreu i shtetit ripohoi  dëshirën e tij për të qene  lojtarë gjithnjë e më të fortë duke mbështetur inovacionin dhe rritjen – një strategji “që ka treguar efektivitetin e saj”.

Një Evropë më “humane”

Në fjalimin e tij, Macron tha se donte të përfitonte nga presidenca për të rinovuar “vokacionin humanist” të BE-së duke e bërë atë “më efektiv” dhe “më afër qytetarëve”.

Konferenca për të Ardhmen e Evropës që do të mbyllet në maj, sipas tij, duhet të shënojë “fillimin e këtij momenti ri themelues”. Kreu i shtetit të Francës shprehu dëshirën për të gjetur “instrumente të reja për të ndihmuar në sjelljen e lirisë sonë demokratike” dhe për të punuar në historinë e Evropës nën dritën e “revizionizmit” që po ndodh në disa pjesë të kontinentit.

Duke prezantuar prioritetet e Parisit gjatë kësaj detyre, shefi i Elizesë u ndal edhe tek raportet me Ballkanin Perëndimor dhe perspektivën e tij evropiane.

Macron këmbënguli  në “përgjegjësinë shumë të veçantë”  që duhet patur me gjashtë shtetet e rajonit. Ai kërkoi  të qartësohet perspektiva e anëtarësimit të Ballkanit Perëndimor – Shqipërisë, Bosnjës, Serbisë, Malit të Zi, Maqedonisë së Veriut dhe Kosovës.

“Fqinjësia jonë më e afërt është Ballkani Perëndimor. Në qershor do të organizojmë konferencën për Ballkanin Perëndimor sepse Ballkani është më shumë se fqinjësi, është në zemër të Evropës. Mjafton të shikohet harta dhe historia jonë”, tha Macron.

“Historia përsëritet ndaj sot kemi një përgjegjësi të veçantë ndaj Ballkanit Perëndimor. Atje duhet të zbatojmë politikën e angazhimit të ri, por edhe investimeve në mënyrë që të favorizojmë integrimin ekonomik të rajonit, ndihmojmë shkëmbimin e njerëzve, zgjidhim çështjet e pakicave dhe luftojmë kundër ndikimeve dhe manipulimeve që janë pasojë e angazhimit të fuqive që përmes Ballkanit duan ta destabilizojnë Evropën”, tha ai.

Presidenti francez bëri me dije se në qershor do të organizohet një konferencë kushtuar rajonit

“Fqinjësia jonë më e afërt është Ballkani Perëndimor. Në qershor do të organizojmë konferencën për Ballkanin Perëndimor sepse Ballkani është më shumë se fqinjësi, është në zemër të Evropës. Mjafton të shikohet harta dhe historia jonë”, tha Macron.

Ai ka shtuar se angazhimi politik dhe ekonomik në Ballkanin Perëndimor është agjendë e vërtetë për sovranitetin e Evropës, duke shtuar se nëse rajoni  lihet në situatën në të cilën ndodhet sot nuk mund të ndërtohet një  Evropë në paqe për 50 vjetët e ardhshme.

Ky paralajmërim është inkurajues pasi Franca në vitet e fundit ka qenë ndër shtetet skeptike ndaj procesit të zgjerimit të BE-së.

Pikërisht me kërkesë të Francës është ndryshuar metodologjia e procesit të negociatave të anëtarësimit në BE.

Franca e merr kryesimin e BE-së nga Sllovenia, më 1 janar. Pas gjashtë muajsh, më 1 korrik 2022, Parisi  ia dorëzon kryesimin e BE-së, Republikës Çeke./Euronews

---