Kosova
Platforma që lidh turistin direkt me pakot e plota turistike në Kosovë
Nëpërmjet platformës fluturi.me, klienti ka lirinë të kërkojë, zgjedhë dhe të rezervojë produkte ekskluzive në çdo kohë dhe në çdo vend
![](https://www.albinfo.ch/wp-content/uploads/2021/11/palforma-qe-lidh.png)
Platforma www.fluturi.me është agjenci e shërbimeve turistike në Kosovë, krejtësisht online. Ajo funksionon si një motor i rezervimeve për shërbimet që ofron vetë agjencia, si dhe integrom produkte nga furnitorë të tjerë. Kjo platformë dallon nga të tjerat, pasi ofron të gjitha shërbimet turistike që i nevojiten secilit turist për të pasur një përvojë të bukur në destinacion.
Tregtia online (online commerce) është e ardhmja e çdo fushe ekonomike. As turizmi nuk bën përjashtim. Nëpërmjet platformës fluturi.me, klienti ka lirinë të kërkojë, zgjedhë dhe të rezervojë produkte ekskluzive në çdo kohë dhe në çdo vend. Këto shërbime, si fluturim, akomodim, veturë me qira, transferim apo shëtitje, mund të rezervohen dhe blihen individualisht apo të kombinohen në paketë. Paketat janë dinamike, apo të parapërcaktuara, që ndryshe njihet edhe si “cross-sell”.
Platformë me mundësi të gjera
“Ne e lidhim turistin me furnitorin lokal, pra ai apo ajo rezervon direkt me nikoqirin duke kontribuar kështu në turizëm të përgjegjshëm. Turisti përfiton produkte dhe paketa ekskluzive të zhvilluara dhe të ofruara nga eksperte lokalë. Ai inspirohet nga katalogët tanë në 7 gjuhë të ndryshme, ku çdo produkt ka kodin QR apo vegzën (deeplink) që e kalon përdoruesin në sistem, direkt tek produkti, nga ku ai do mund të vazhdojë me rezervim dhe pagesë, nga çfarëdo pajisje elektronike,” tregon Albion Idrizi, themeluesi i kësaj platforme.
Platforma përdor protokollet API, XML, JSON etj., që i mundësojnë klientit, qoftë privat apo agjenci e udhëtimeve, t’i menaxhojë vet rezervimet, anulimin, kryerjen e pagesës, shtimin e produkteve të tjera, printimin e kuponit (voucherit), printimin e profaturës dhe në disa raste, edhe ndryshimin e rezervimit.
Me SecureID, pagesat bëhen me siguri maksimale
Albion Idrizi tregon se kjo platformë ofron lehtësira të shumta: si automatizim të procesit, ofertat publikohen në çast, çmimet janë të sakta, pasi vet sistemi bën llogaritjen e çmimeve duke përfshirë çdo shtesë, ofertë apo kufizim. Po ashtu, përdoruesi merr rezultatet për kërkimin e vet me qindra produkte brenda vetëm disa sekondave, si dhe i menaxhon vet rezervimet sipas politikave përkatëse të furnitorëve.
Sa u përket pagesave, ato bëhen me kartelë krediti përmes sistemit më të sigurt në treg, SecureID, ku asnjë person në asnjë çast nuk sheh detajet e kartelës së klientit, ndërkohë që ofrohet edhe fleksibilitet, pasi pagesat bëhen përmes transferit bankar në vende të BE-së, me para në dorë në mijëra dyqane në Gjermani, mundësohet edhe pagesë me limit kredie për agjencitë e udhëtimeve.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë