Shqipëria
Austria vendos karantinë 10-ditore për personat e pavaksinuar
![](https://www.albinfo.ch/wp-content/uploads/2021/02/kufiri-zvicer-austri.jpg)
Ambasada e Shqipërisë në Vjenë informoi sot se nga data 15 shtator vetëm personat plotësisht të vaksinuar, ose me një dëshmi mjekësore që e kanë kaluar COVID-19 dhe janë të shëruar, të moshës 12 vjeç e lart, do të lejohen të udhëtojnë nga Shqipëria për në Austri pa pasur nevojë të karantinohen.
Në njoftim bëhet e ditur se “nga 15 shtator 2021 udhëtarët e pavaksinuar mund të hyjnë në Austri, por duhet të regjistrohen paraprakisht në (Pre Travel Clearance English)https://entry.ptc.gv.at/en.html, të paraqesin një test negativ të COVID-19 dhe të qëndrojnë në karantinim të detyruar për 10 ditë në një hotel ose vendbanim, me shpenzimet e tyre. Karantina mund të përfundojë pas 5 ditësh me një test negativ”, transmeton Atsh, përcjell Albinfo.ch.
“Përjashtohen nga kërkesat për regjistrim dhe karantinë ata që udhëtojnë për qëllime biznesi; forcat humanitare; të miturit midis moshës 12 dhe 18 vjeç që hyjnë në Austri nën mbikëqyrjen e personave plotësisht të imunizuar; ata që hyjnë në vend për arsye të paparashikueshme, urgjente, familjare si (sëmundje të rënda, vdekje në familje, funerale, lindje), të cilat do të vlerësohen dhe merren parasysh si të tilla nga autoritetet përkatëse”, theksohet në njoftimin e Ambasadës së Shqipërisë në Vjenë.
Për informacione më të përditësuara dhe detajuara të hyrjes në Austri, qytetarët mund të vizitojnë portalin zyrtar të udhëtimit të qeverisë austriake në Austria.info.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë