Shqipëria

Shqipëri, 42 mijë vizita në qendrat shëndetësore verore gjatë sezonës

E hënë, 30 Gusht 2021 - 18:25 albinfo.ch
@pixabay

Më shumë se 42 mijë vizita dhe shërbime u janë ofruar falas, afër zonave turistike, pushuesve vendas dhe të huaj në këtë sezon, në 29 qendrat shëndetësore verore të hapura 24 orë pa ndërprerje nga veriu në jug.

Ministrja e Shëndetësisë dhe Mbrojtjes Sociale, Ogerta Manastirliu, solli në vëmendje punën e kryer nga ekipet shëndetësore përgjatë sezonit veror.
Sipas saj, shërbimi do të vijojë në qendrat shëndetësore verore të zonave bregdetare deri më 15 shtator.
Falë këtij shërbimi, qytetarët janë trajtuar në kohë dhe me cilësi, duke shmangur edhe fluksin në spitale, ndërsa për çdo emergjencë është bërë koordinimi nga Urgjenca Kombëtare, me autoambulancat e dedikuara afër zonave turistike.

Qendrat shëndetësore verore u hapën më 15 qershor, ku për herë të parë u përfshi edhe testimi i shpejtë për çdo rast të dyshuar me COVID-19, për një sezon turistik të sigurt. Në këto qendra shërbejnë më shumë se 170 mjekë dhe infermierë. /ATSH

 Të ngjashme

“Netët e filmit shqiptar” në 80-vjetorin e çlirimit të Shqipërisë, në Cyrih

 Të tjera nga Shqipëria

Shqipëria synon turizmin elitar

 E-Diaspora

 Jeta në Zvicër