Literaturë
Librat që mund t’i lexoni gjatë verës
![](https://www.albinfo.ch/wp-content/uploads/2021/08/113401010_highres.jpg)
Gjatë kësaj vere ju duhet një listë e librave që mund t’i lexoni në kohë të lirë apo në pushimet tuaja. Listës tuaj po ia shtojmë disa libra.
“E ardhmja e kapitalizmit” nga Paul Collier
Ky libër vjen në pikun e debateve për një dështim të sistemit kapitalist në kohën tonë, prandaj vlerësohet si një ndër botimet me idetë më polemizuese rreth kësaj çështje. Çështja thelbësore mbi të cilën zhvillohet libri është pyetja: Ku po shkon kapitalizmi?! Në pjesën më të madhe të Europës, të rinjtë po vuajnë nga një papunësi masive. Një e treta e të rinjve italianë janë të papunë, një papunësi e tillë është parë për herë të fundit vetëm gjatë depresionit të viteve 30 të shekullit XX. Ideologët me fuqi deduktive rivalizohen nga një specie tjetër politikanësh, populistët karizmatikë. Populistët i shmangen madje edhe analizës rudimentare të një ideologjie, duke u hedhur drejtpërsëdrejti në zgjidhje, që për dy minuta të duken të vërteta.
“21 leksione për shekullin 21” nga Yuval Noah Harari
Autori i dy librave më të shitur në mbarë botën, “Sapiens” dhe “Homo Deus”, Youval Noah Harari, vjen me librin më të fundit në shqip, “21 leksione për shekullin 21”, ku analizohen sfidat globale si epidemitë, inteligjenca artificiale, edukimi, fetë, kombet, punësimi, mjedisi, demokracia, etj. dhe ofrohen zgjidhje, të cilat i shërbejnë çdo individi në epokën tonë.
“21 leksione për shekullin 21” i Yuval Noah Harari-it është një hulumtim zhbirues dhe largpamës në problematikat më të ‘nxehta’ të ditëve të sotme ndërkohë që lëvizim drejt hapësirave të panjohura të së ardhmes.
“Dashuria në kohët e kolerës” nga Gabriel Garcia Marquez
Ky libër ka qenë ndër më të kërkuarit gjatë periudhës së pandemisë dhe kjo nuk lidhet me faktin se flitet për kolerën apo gjendje të ngjashme, por me faktin se përmes dashurisë, qenia njerëzore sfidon gjithçka. Garcia Márquez ka shkruar roman për dashurinë, ai ka shkruar një vepër arti që rrezaton një humanizëm të atillë, që lexuesit do ta ruajnë thellë në zemër si diçka të shtrenjtë dhe do ta kujtojnë sa të kenë jetë në këtë botë.
“Atje ku këndojnë karavidhet” nga Delia Owens
Deri më tani ky roman është shitur mbi 6 milionë kopje në mbarë botën, duke kryesuar për shumë javë me radhë listat e shitjeve të Amazon-it. Njëherësh, platforma më e madhe online e lexuesve “Goodreads” e ka vlerësuar si një ndër librat që ka marrë më shumë yje dhe pëlqime. Po ashtu, “Atje ku këndojnë karavidhet” është vlerësuar si një nga 100 librat më të mirë në botë. Autorja është biologe me profesion dhe kjo është sprova e parë e saj si romanciere. Kaja është vajza që jeton e vetmuar në një moçal në bregun e Karolinës së Veriut. Ajo shpalos vlerat më të larta në mes të natyrës dhe ndihet tej mase e rrezikuar në marrëdhënie me qenien njerëzore; e braktisur nga familja, e dhunuar nga meshkujt, e paragjykuar nga shoqëria dhe institucionet.
“Sytë e errësirës” nga Dean Koontz
Një triler i ethshëm i një prej romancierëve më të shquar të këtij zhanri në shekullin XX. Kujtojmë se “Sytë e errësirës” ishte libri më i kërkuar pas shpërthimit të pandemisë. Romani i autorit të shquar amerikan Dean Koontz parashikoi koronavirusin kinez 40 vjet më parë. Por, virusi në roman, që quhet “Wuhan 400”, sipas autorit, është një armë biologjike e krijuar nga qeveria kineze për të përgjysmuar popullsinë. Simptomat e tij nuk ngjajnë me ato të virusit të vërtetë aktual – as vdekshmëria – pasi në roman kushdo që preket nga virusi, ndërron jetë.
Të tjera nga Literaturë
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë