Lajme
Nga mbi 9 milionë vaksinat e injektuara në Zvicër, 5300 me efekte anësore
Nga 133 rastet e rënda, të prekurit kanë vdekur në periudha të ndryshme pas vaksinimit. Por, sipas Swissmedic, nuk ka dëshmi se vaksinimi ka sjellë vdekjen
![](https://www.albinfo.ch/wp-content/uploads/2021/04/451138833_highres.jpg)
Në Zvicër deri më sot janë injektuar më shumë se 9.2 milionë doza vaksinash kundër koronavirusit. Deri më tani në 5,304 raste janë raportuar efekte anësore të padëshiruara.
E llogaritur në raportin vaksinë – efekt anësor, i bie që në një nga 1734 doza vaksinash janë raportuar efekte anësore, shkruan sda.ch. Dy të tretat e tyre nuk ishin të rënda.
Kryesisht janë prekur gratë dhe të moshuarit; mesatarisht, të prekurit ishin 57.7 vjeç, ka njoftuar Swissmedic të premten. 21.9 për qind ishin 75 vjeç ose më të vjetër, transmeton albinfo.ch.
Në raportet ku efekti anësor është klasifikuar si serioz, personat e prekur ishin mesatarisht 61.3 vjeç.
Në 133 nga rastet e rënda, njerëzit e prekur kanë vdekur në periudha të ndryshme pas vaksinimit. Por, sipas Swissmedic, nuk ka asnjë dëshmi konkrete se vaksinimi ka sjellë vdekjen, pavarësisht afërsisë kohore kur kanë ndodhur vdekjet.
Mosha mesatare e të vdekurve nga kjo kategori ishte 80.7 vjet.
Më tutje, raporti i Swissmedic tregon se vaksina Moderna ka shkaktuar më shpesh efekte anësore (61.8 për qind) sesa ajo nga Pfizer / Biontech (36.5 për qind), transmeton albinfo.ch. Ndërsa emri i vaksinës mbetet i panjohur në 91 raste ose 1.7 për qind të rasteve me efekte anësore.
Sipas Swissmedic, efektet anësore të raportuara dhe analizuara nuk ndryshojnë gjendjen sipas të cilës përfitimi nga vaksinimi mbetet shumë më i lartë se sa rreziku sa u përket dy vaksinave të miratuara në Zvicër.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
-
Brazil: Sopranoja shqiptare do të performojë në teatrin “Municipal të São Paulo”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë