Kosova
Mbi 800 qytetarë të Deçanit dyshohet që janë helmuar nga uji qëllimshëm
Me qindra qytetarë të komunës së Deçanit, që nga e shtuna kanë kërkuar ndihmë mjekësore në QKMF-në “Adem Ukëhaxhaj” në këtë komunë, mbi dyshimet se janë helmuar nga uji i pijes.
Kryetari i kësaj komune, Bashkim Ramosaj në një konferencë për media ka bërë të ditur se 884 qytetarë që nga e shtuna e deri më sot kanë kërkuar ndihmë në QKMF dhe që kanë qenë me simptoma të njëjta.
“Deri tash janë afro 884 pacientë që kanë simptoma të njëjta. Intensiteti i pacientëve në ditën e sotme është në rënie e sipër”, ka thënë Ramosaj.
Ai ka shtuar se vetëm ditën e shtunë ndihmë mjekësore kanë kërkuar 164 pacientë, që fillimisht është dyshuar që është sëmundje virale sezonale, mirëpo gjatë mbrëmjes fluksi është rritur dhe dyshimi ka qenë se është nga uji i pijes, shkruan Telegrafi.
“Ne kemi marrë vendim që uji të mos përdoret. Kemi ftuar prokurorinë, hetuesit, policinë e shtetit, IKSHPK-në, kompaninë “Hidrodrini” të cilët janë duke e kryet punën që të kemi një ekspertizë të saktë. Rezultatet kanë dalë që kimikisht nuk ka probleme me ujë të pijes është i përdorshëm, por po i presim analizat biologjike që do të na jepin një rezultat më të saktë”, ka thënë Ramosaj.
Ai ka shtuar se nëse vërtetohet që ky helmim ka ardhur si rezultat i ujit të pijes, atëherë do të merren masa ligjore ndaj ujësjellësit.
“Është hera e dytë brenda një muaji që po raportohet për raste të tilla, që na kanë bërë të dyshojmë që këto mund të jenë të qëllimshme dhe kjo le të mbetet në kompetencë të prokurorisë që të vërtetojë”, u shpreh Ramosaj.
Të ngjashme
Të tjera nga Kosova
E-Diaspora
-
Një neurokirurg akademik shqiptar, në mes të Kolorados dhe Bazelit Dr. Edin Nevzati punon si neurokirurg në SHBA, në Universitetin e Kolorados ndërsa ruan lidhjen shkencore...
-
Florian Haçkaj: Një jetë përtej kufijve dhe një mision për Shqipërinë
-
Valdete Hoti, figurë frymëzuese dhe sinonim i humanizmit
-
43 orë në bllokim trafiku për të arritur në Kosovë nga Zvicra
-
Abdixhiku aludon se nga mbi 100 mijë të regjistruar për votim nga diaspora, 40 mijë janë mbështetës të LDK-së
Jeta në Zvicër
-
Zviceranët pesimistë për vitin 2025, sa i përket anës financiare Numri i njerëzve që kanë vështirësi në pagesën e primeve të sigurimit shëndetësor nuk ka qenë...
-
Një skiator humb jetën nga orteku në Zvicër
-
Një neurokirurg akademik shqiptar, në mes të Kolorados dhe Bazelit
-
84 franga në ditë, ku shkojnë paratë që paguani për biletën e skive?
-
Reshjet e fundit të borës nxisin fluksin turistik, por bëjnë presion mbi industrinë e hoteleve dhe restoranteve