Botë
Edhe Mali i Zi lehtëson masat, asnjë kusht për të hyrë në vend
Në prag të sezonit turistik, Mali i Zi liron të gjitha masat
![](https://www.albinfo.ch/wp-content/uploads/2020/05/800px-ulcinj_montenegro_-_sept._2010-587x393.jpg)
Ngjashëm sikurse Shqipëria, edhe Mali i Zi parashikon të përfshijë në lehtësimin e masave, duke mos pasur asnjë kusht për të hyrë në vend.
Referuar agjencisë së lajmeve Xinhua, kjo vlen për të gjithë qytetarët e BE-së dhe nga Izraeli dhe kjo është vendosur në mbledhjen e qeverisë këtë të premte. Kjo vjen përpara sezonit turistik.
Po ashtu, agjencia e informimit, Xinhua citon ministren e Shëndetësisë, Jelena Borvinic Bojovic, të ketë thënë se përveç shtetasve të Serbisë, Kroacisë, Bosnjë dhe Hercegovinës, Shqipërisë, Maqedonisë së Veriut, Rusisë, Ukrainës dhe Bjellorusisë, udhëtarët nga BE-ja dhe Izraeli do të kenë gjithashtu të drejtën për hyrje jo të kushtëzuar.
Nga ana tjetër, dasmat, mbrëmjet e maturës dhe festime të tjera me deri në 50 të ftuar lejohen edhe një herë, ndërsa baret dhe restorantet mund të punojnë nga ora 7 e mëngjesit deri në mesnatë. Po kështu, grupe me deri në 50 persona mund të marrin pjesë në ekskursione.
Masat parandaluese, të tilla si mbajtja e maskave të fytyrës, dezinfektimi dhe higjiena mbeten të vlefshme, ndërsa fushata e vaksinimit vazhdon.
Ministrja i tha televizionit kombëtar RTCG se 20 për qind e të rriturve të vendit janë plotësisht të imunizuar kundër koronavirusit.
Të dhënat zyrtare tregojnë se që nga 4 maji kur filloi imunizimi masiv, 234,278 doza vaksinash janë administruar në vend me një popullsi prej rreth 600,000.
Në 24 orët e kaluara, vendi regjistroi 41 raste të lidhura me COVID-19 dhe katër vdekje.
Që nga fillimi i pandemisë, 99,758 infeksione dhe 1,591 vdekje janë konfirmuar në Malin e Zi. Numri i rasteve aktive në Malin e Zi është në rënie të vazhdueshme që nga mesi i marsit të këtij viti.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë