Lajme

Bilanci aktual i infektimeve në Zvicër

Të dhënat e fundit në Zvicër rreth numrit të të prekurve nga koronavirusi

Statistikat e fundit tregojnë se në Zvicër që nga fillimi i pandemisë e deri tani ka gjithsej 546,754 infeksione me koronavirus, shkruan albinfo.ch.

Nga numri total i të prekurve, në Zvicër janë shënuar mbi 10 mijë viktima shkaku i pandemisë.

Autoritetet shëndetësore zvicerane kanë bërë të ditur se Zvicra ka një ulje mesatare të infeksioneve. Vlen të theksohet se kantonet me shkallë më të lartë të infeksionit për frymë kanë qenë: Gjeneva, Jura, Valais, Fribourg, Zug, Vaud, Cyrih, Schwyz, Uri dhe Aargau, sipas korona-data.ch.

Përkundër të prekurve, të dhënat e fundit tregojnë se numri i të shëruarve në Zvicër është rritur dukshëm në këto ditët e fundit. Gjatë kësaj jave, në Zvicër janë raportuar se numri i shërimeve ka arritur në 492,504 persona.

Nga ana tjetër, në këtë shtet, rastet aktive janë ulur me rreth 44 mijë raste aktive.

Shifra zyrtare, bazuar në numrin e personave që janë testuar, që në fillim ishin pozitivë në testin e bërë dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi, shkruan albinfo.ch.