Kosova
Hoti: Kosova mund të mbyllet për festa
Vendi mund të mbyllet gjatë festave të fundvitit në një përpjekje për të frenuar përhapjen e COVID-19, kështu ka paralajmëruar kryeministri i Kosovës, Avdullah Hoti.
Në një postim në mediat sociale, Hoti thekson se në të gjithë vendet po merren masa shtesë dhe Kosova nuk do qëndrojë pas në këtë aspekt.
“Tani, në prag të festave, jemi para një rreziku të përhapjes së infeksionit për shkak të lëvizjeve të mëdha të qytetarëve që ndodhin në kohë festash. Të gjithë po e shohim trendin në rritje në BE dhe rajon, ku disa vende janë mbyllur plotësisht. Kjo nënkupton se për disa javë edhe tek ne rastet do të rriten”, shkruan Kryeministri.
Ai ka kërkuar mirëkuptim nga qytetarët dhe institucionet që të zbatohen masat dhe të mos rrezikohet një përhapje masive e COVID-19.
“Kam kërkuar që sot menjëherë të ndërmerren masat në vijim: Të gjitha institucionet publike të ndalojnë çfarëdo organizimi për fundvit që i bëjnë zakonisht për punonjësit e institucioneve. Ministria e Shëndetësisë dhe Ministria e Punëve të Brendshme do të përgatisin urdhëresën për këtë qëllim”, thekson ai.
Në fund kërkon që të gjithë te festojnë me familjet e tyre dhe të shmangen grumbullimet sepse kështu rrezikojmë jo veten, por dhe të tjerët.
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Bernë: Këshilli Bashkiak jep sinjalet e para pro pilot-projektit për të ardhurat e pakushtëzuara Të enjten Këshilli Bashkiak i Bernës dha një sinjal në favor të një projekti pilot për...
-
Zona e pushimit Würenlos nis me kontrollet e hyrjes
-
Inteligjenca artificiale mund të ndihmojë në zbulimin e baktereve rezistente ndaj antibiotikëve
-
Cyrihu vs Gjeneva: Cili është qyteti më ‘zviceran’?
-
Gatishmëria e ulët në Zvicër për të paguar transport “të pastër”