Kosova
Posti i presidentit, mollë sherri mes partive në Kosovë
Duket se zgjedhja e një kandidati për president të vendit është vështirë e arritshme për koalicionin aktual qeverisës.
LDK pret diskutim përtej partive në pushtet për të gjetur një zgjidhje, në Lëvizjen Vetëvendosje mohojnë kategorikisht përfshirjen, në atë që ata i quajnë pazare për postin e kreut të shtetit. Ndërsa në PDK thonë se kjo temë është vetëm e koalicionit qeverisës dhe se nuk është diskutuar asnjëherë brenda partisë.
Ndërkohë shefi i grupit parlamentar të LDK-së, Arben Gashi, thotë se nëse ka një marrëveshje të gjerë për një zgjidhje të caktuar, do të marrin vendimet e duhura, por thotë se “votë blanco” nuk japin për askënd.
“Kjo është çështje më gjithëpërfshirëse dhe duhet të diskutohet përtej koalicionit. Ky koalicion qeverisës e ka të pamundur të zgjidhë çështjen e presidentit dhe duhet një konsultim më i gjerë se konsultimin brenda koalicionit… Kjo nënkupton se duhet të ketë konsultime më të gjëra, përfshi Vetëvendosjen dhe PDK-në, për të arritur një proces të suksesshëm në Kuvend… Nëse ka marrëveshje të gjerë për një zgjidhje të caktuar, atëherë normalishtr që ne do diskutojmë dhe do të marrim vendimet e duhura… Nuk mundet askush të japë ‘vota blanco’ për askënd”, thotë ai, për KP.
Por kundër çfarëdo lloj përfshirjeje për emërimin e një presidenti të ri, pa zgjedhje të reja, u shpreh deputetja e Grupit Parlamentar të LVV-së, Mimoza Kusari-Lila.
“Nuk mund të përfshihemi në pazaret, të cilat i sjellin vetëm dëme vendit. E dyta, të cilat nuk kanë asnjë peshë apo relevancë për qytetarët në këtë moment. Në këtë moment për qytetarët është e rëndësishme t’i kthehet legjitimiteti një qeveri të re. Të ketë vendimmarrje të mirëfilltë për qytetarët dhe natyrisht legjislatura e radhës të vendosë për një kandidat apo kandidate konsensuale dhe që reflekton unitetin në vend dhe jo që synon, ashtu siç kemi parë deri tash, vazhdimin e politikës së pazareve prej postit të presidentit”, thotë ajo.
E deputeti i PDK-së, Abelard Tahiri, u shpreh se zgjidhja e një presidenti të ri për vendin nuk është temë brenda partisë dhe se asnjëherë nuk është diskutuar.
“Kjo nuk është temë brenda PDK-së. As nuk është diskutuar dhe as nuk është duke u diskutuar”, tha ai ditë më parë.
Ndërkaq, rol të rëndësishëm në votimin e një presidenti të ri, Arton Demhasaj nga shoqëria civile e sheh tek AAK-ja.
Sipas tij, nëse kjo e fundit nuk lëshon pe në kërkesën e tyre për kandidaturën e Ramush Haradinajt, atëherë vendi shumë lehtë mund të shkojë në zgjedhje të reja.
“Duke marrë parasysh se çelësi i zgjidhjes së këtij problemi dhe krijimi i shumicës së nevojshme për t’u zgjedhur presidenti është tek AAK-ja, atëherë me gjasë mund të ndodhë që AAK-ja mos të lëshojë pe te pozita e presidentit, pastaj do të lindë nevoja që PDK me LDK-në të gjejnë një zgjidhje që t’i japin më shumë hise PDK-së në qeveri në mënyrë që vendi të mos shkojë në zgjedhje. Të dyja janë të mundshme, por me gjasë për shkak të pozicionit të fortë që AAK-ja e ka në këtë moment dhe mund të mos lëshojë pe”, thotë ai.
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Inteligjenca artificiale mund të ndihmojë në zbulimin e baktereve rezistente ndaj antibiotikëve Studiuesit në Universitetin e Cyrihut kanë përdorur inteligjencën artificiale për të zbuluar për herë të parë...
-
Cyrihu vs Gjeneva: Cili është qyteti më ‘zviceran’?
-
Gatishmëria e ulët në Zvicër për të paguar transport “të pastër”
-
FDP: Zvicra të deportojë azilkërkuesit në Shqipëri, sipas modelit italian
-
Operatorët zviceranë të skive janë optimistë pavarësisht reshjeve më të pakta të borës