Lajme
Nga 3 gushti partnerë/et nga vendet e treta mund të vizitojnë të dashurit e tyre në Zvicër
Në kategorinë e "vendeve të treta", hyjnë të gjitha shtetet jashtë BE-së dhe EFTA-s. Pradaj ky lajm ka të bëjë edhe me vendet prej nga vijnë shqiptarët dhe nga Ballkani në përgjithësi
Më 20 korrik 2020, Këshilli Federal pati hequr të gjitha kufizimet e hyrjes në lidhje me koronavirusin për dymbëdhjetë vende “të treta”, jashtë zonës së BE / EFTA.
Por, nga të gjitha vendet tjera të treta, jashtë atyre 12 të përmendurave, hyrja në Zvicër për një qëndrim të shkurtër është ende e mundur vetëm në raste të jashtëzakonshme, shkruan sda.ch.
Ndërkaq, gjendja do të ndryshojë së shpejti për të mirë: “Nga 3 gushti, të gjithë ata/ato që kanë një partner/e jete në Zvicër mund të hyjnë sërish në vend nëse mund ta dëshmojnë ekzistimin e kësaj marrëdhënieje”, shkruan Sekretariati Shtetëror për Migracion në një njoftim për media që u prezantua gjatë konferencës së sotme për media në Bernë, transmeton albinfo.ch. Por, sigurisht personat e kësaj kategorie që vijnë nga shtetet dhe zonat me një rrezik të shtuar të infeksionit i nënshtrohen detyrimit të karantinës.
Barbara Büschi nga Sekretariati Shtetëror për Migrim ka sqaruar vendimin: “Ne e kemi marrë seriozisht këtë problem dhe tani mund të paraqesim një zgjidhje”. Për hyrje në Zvicër udhëtarëve të përmendur nga vendet e treta u nevojitet një ftesë dhe duhet të dëshmojnë se marrëdhënia e dashurisë ose partneritetit ka ekzistuar për një kohë të gjatë.
Të përkujtojmë: Në kategorinë e “vendeve të treta”, hyjnë të gjitha shtetet jashtë BE-së dhe EFTA-s. Pradaj ky lajm ka të bëjë edhe me vendet prej nga vijnë shqiptarët dhe nga Ballkani në përgjithësi.
“Një miqësi e shkurtër e lindur në pushime, nuk është e mjaftueshme”. Si provë mund të përdoren letrat, fotot, biletat e aeroplanit ose vulat në pasaporta, përcjell albinfo.ch. “Sigurisht, të gjithë njerëzit i nënshtrohen listës së karantinës të Zyrës Federale të Shëndetit Publik”, ka shtuar ajo
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
-
Brazil: Sopranoja shqiptare do të performojë në teatrin “Municipal të São Paulo”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë