Kosova
Dhurohen 41 mijë teste për COVID-19 në Kosovë
41 mijë pako teste dhurohen nga UNDP, të financuara nga Luksemburgu dhe Austria
Është bërë e ditur se qeveria e Dukatës së Madhe të Luksemburgut përmes LuxDev S.A. dhe Qeveria e Austrisë, përmes Bashkëpunimit Austriak për Zhvillim, në partneritet me Programin e Kombeve të Bashkuara për Zhvillim (UNDP) i dhuroi sot Institutit Kombëtar për Shëndetësi Publike të Kosovës (IKShPK) dhe Ministrisë së Shëndetësisë 41.000 komplete testimi për COVID 19, shkruan albinfo.ch.
Në këtë ngjarje morën pjesë Armend Zemaj, ministër i Shëndetësisë, Valbona Bogujevci, Ndihmëse e Përfaqësues së Përhershme në UNDP, z. Christoph Weidinger, Ambasador i Austrisë në Kosovë si dhe zyrtarë të Ministrisë së Shëndetësisë dhe IKSHPK-së.
Ministri Zemaj u shpreh shumë falënderues për këtë kontribut të çmuar, për të cilin tha se do t’i ndihmojë institucionet e Kosovës për ballafaqim me pandeminë Covid-19.
“MSH dhe IKSHP janë shumë falënderues për këtë kontribut, i cili lehtëson punën e institucioneve dhe njëkohësisht krijon mundësi për rritjen e testimeve për diagsostikim të Covid-19”, tha ministri Zemaj.
Ambasadori austriak, Christoph Weidinger, tha se është i lumtur që qeveria e vendit të tij dhe partnertët e tjerë po e ndihmojnë popullin e Kosovës në luftimin e pandemisë Covid -19.
Nga ana tjetër, Valbona Bogujevci tha se është shumë me rëndësi që në këtë fazë sikurse institucionet që duhet të përkujdesen për qytetarët, edhe këta ta bëjnë të njëjtën gjë duke ua lehtësuar punën institucioneve në menaxhimin e pandemisë Covid -19.
Komletet për testim janë blerë me 500,000 euro, nga marrëveshja me Qeverinë e Dukatës së Madhe të Luksemburgut përmes Lux Development S.A dhe marrëveshjes me Qeverinë e Austrisë përmes Bashkëpunimit Austriak për Zhvillim në vlerë të përgjithshme prej 250,000 eurosh. /Albinfo.ch
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Miratohet udhëtimi me autobus rajonal ndërmjet Italisë dhe Zvicrës Pasagjerët në shërbimet publike rajonale të autobusëve midis Italisë dhe Zvicrës do të mund të hipin...
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?