Kosova
Kurti uron Ylfete Fanajn
Ish-kryeministri i Kosovës, Albin Kurti, uroi Ylfete Fanajn për pozitën e Kryetares së Parlamentit të Kantonit të Lucernit
Ish-kryeministri i Kosovës, Albin Kurti, ka uruar Ylfete Fanaj për postin e saj të ri si Kryetare e Parlamentit të Kantonit të Lucernit të Zvicrës, përcjell albinfo.ch.
Kurti tha se suksesi i Fanajt është shembull dhe dëshmi se si me mund, përpjekje e besim, ndonëse larg vendlindjes, shqiptarët mund të jenë bartës të vlerave dhe ushtrues të detyrave të rëndësishme në institucionet e shteteve ku ata jetojnë dhe veprojnë.
Ky është shkrimi i plotë i Kurtit:
“Sot, znj. Ylfete Fanaj mori përsipër pozitën e Kryetares së Parlamentit të Kantonit të Lucernit të Zvicrës. Shqiptarja e parë deputete e këtij parlamenti, tash bëhet shqiptarja e parë që udhëheq këtë institucion, që njëherësh është posti më i lartë që ka marrë ndonjëherë ndonjë shqiptar në Zvicër.
Ceremonia inauguruese u shoqërua me këngën e vjetër “Moj e Bukura More”, e cila shpreh si kujtesën e mallin për atdhe, ashtu edhe një histori të rëndësishme për popullin shqiptar, i cili jo rrallëherë u detyrua të shpërngulet dhe të kërkojë një atdhe të dytë. Suksesi i znj. Fanaj është shembull dhe dëshmi se si me mund, përpjekje e besim, ndonëse larg vendlindjes, shqiptarët mund të jenë bartës të vlerave dhe ushtrues të detyrave të rëndësishme në institucionet e shteteve ku ata jetojnë dhe veprojnë.
E uroj znj. Fanaj për detyrën e re. Zvicrën dhe Kosovën i lidh e kaluara dhe e tashmja. Le të punojmë si politikanë shqiptarë dhe me orientim socialdemokrat që kjo lidhje të mirëmbahet, kultivohet dhe zhvillohet tutje në të ardhmen.
I dëshiroj suksese dhe punë të palodhshme”, përfundoi ai./albinfo.ch
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
FDP: Zvicra të deportojë azilkërkuesit në Shqipëri, sipas modelit italian "Për azilkërkuesit e refuzuar që nuk mund të kthehen në atdheun e tyre, duhet të kërkohen...
-
Operatorët zviceranë të skive janë optimistë pavarësisht reshjeve më të pakta të borës
-
Miratohet udhëtimi me autobus rajonal ndërmjet Italisë dhe Zvicrës
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë