Lajme
Qyteti zviceran jep kupona prej 25 frangash për të gjithë banorët e tij
Për të financuar fushatën "Bieli për Bielin", këshilli bashkiak i është drejtuar parlamentit të qytetit për një kredi shtesë prej 1.54 milion frangash
![](https://www.albinfo.ch/wp-content/uploads/2018/04/frang-587x392.jpg)
Qyteti Biel/Bienne në Kantonin e Bernës do t’i japë çdo banori nga një “kupon solidariteti” me vlerë prej 25 frangash. Ky kupon duhet të shpenzohet në dyqanet dhe bizneset e këtij qyteti, nga 1 korriku deri më 30 shtator, shkruan bernerzeitung.ch.
Për të financuar fushatën “Bieli për Bielin”, këshilli bashkiak i është drejtuar parlamentit të qytetit për një kredi shtesë prej 1.54 milion frangash, u bë e ditur të mërkurën, transmeton albinfo.ch.
Qeveria e qytetit shpreson se fushata do të ketë një efekt shumëfishues: çdo frang i shpenzuar si “kupon solidariteti” duhet të krijojë nga disa franga qarkullim për kompanitë e Bielit.
Autoritetet në Biel mbështesin gjithashtu dyqanet lokale, restorantet dhe institucione tjera, me shpërndarjen e 100 maskave mbrojtëse falas, transmeton albinfo.ch. Këshilli bashkiak ka aprovuar një kredi prej 100,000 frangash për këtë destinim.
Si masë tjetër që ka marrë qyteti është lejimi i shfrytëzimit të hapësirës publike shtesë, nga lokalet hoteliere dhe tregtare.
Autoritetet e qytetit gjithashtu duan që në këtë kohë të promovojnë çiklizmin. Në mënyrë që të motivojë popullsinë që të shfrytëzojë sa më shumë biçikletat, qyteti do të dhurojë kuponë prej 50 frangash për një riparim të biçikletave, përcjell albinfo.ch. Maksimalisht 500 veta mund të përfitojnë nga kjo ofertë.
Në funksion të pushimeve verore, të cilat shumë njerëz pritet t`i kalojnë në shtëpi, këshilli bashkiak po blen mobilje shtesë – tavolina, banga etj. – për zonat e parqeve në Biel për 160,000 franga.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë