Kosova
Abrashi kritikon Vetëvendosjen
Ai tha se VV shpërfaqi paaftësi dhe injorancë për të ndërtuar shtet
Arban Abrashi i LDK-së ka akuzuar Qeverinë Kurti dhe Vetëvendosjen për rastin e kthimit të udhëheqësit të AKR-së, Behgjet Pacollit në Kosovë, duke thënë se është kërcënuar ai dhe familja e tij.
Në një konferencë për media, Abrashi kritikoi VV-në edhe për faktin që, sipas tij, në ankesën e këtij subjekti politik drejtuar Gjykatës Kushtetuese iu referuan Kushtetutës së Serbisë dhe se kanë shpërfaqur paaftësi dhe injorancë për të ndërtuar shtet.
“Ish-presidenti është përballur me lojëra të ndyta politike nga krerët e Vetëvendosjes që janë në qeveri për ta penguar të kthehet në Kosovë që ta ushtrojë detyrën e deputetit”.
“Zyrtarë të lartë të VV-së derisa publikisht e kërcënonin me arrestim, militantë të tjerë ishin angazhuar për të kërcënuar edhe privatisht me mesazhe, duke përmendur edhe fëmijët dhe familjen e deputetit”.
“Albin Kurti që kur ka ardhur në pushtet ka treguar dromca apo lidhje dashurie në raport me Serbinë. La të hyjnë në territorin e Kosovës qindra mjekë e infermierë pa një kontroll të detajuar nëse të gjithë ata kanë pasur po ato profesione, gjithashtu lejoi që qeveria e Serbisë të ndërhyjë me masa të jashtëzakonshme në tri komunat veriore të Kosovës”.
“Qeveria e shkarkuar për të tentuar të mbajë pushtetin, i referohet edhe Kushtetutës së Serbisë, kushtetutë kjo që e parasheh Kosovën si pjesë të saj. Vetëvendosje në ankesën e saj në Gjykatën Kushtetuese lidhur me dekretin e presidentit i është referuar një kushtetute që e njeh Kosovën si pjesë të Serbisë”.
“Vetëm për pak ditë qeverisjeje kanë shpërfaqur paaftësinë dhe injorancën e tyre për të ndërtuar shtet, e aq më pak shtet demokratik dhe ligjor”.
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
FDP: Zvicra të deportojë azilkërkuesit në Shqipëri, sipas modelit italian "Për azilkërkuesit e refuzuar që nuk mund të kthehen në atdheun e tyre, duhet të kërkohen...
-
Operatorët zviceranë të skive janë optimistë pavarësisht reshjeve më të pakta të borës
-
Miratohet udhëtimi me autobus rajonal ndërmjet Italisë dhe Zvicrës
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë