Kosova
Surroi: Nuk mund të ketë qeveri të re, kjo është aventurë e rrezikshme
Orkestrues të gjithë kësaj situate e sheh presidentin Hashim Thaçi.
Lidhja Demokratike e Kosovës dhe Aleanca për Ardhmërinë e Kosovës kanë arritur marrëveshje për koalicion qeverisës.
Politikani dhe publicisti i njohur nga Kosova, Veton Surroi, duke analizuar zhvillimet e fundit politike atje, thotë se kjo është një tentativë antiligjore dhe antikushtetues që, sipas tij, do të dështojë.
Për RTV Ora, ai thotë se nëse krijohet një qeveri e re, pa u shprehur më parë Kushtetuesja, do të kemi një realitet të ri me dy qeveri.
Orkestrues të gjithë kësaj situate e sheh presidentin Hashim Thaçi.
“Për faktin që letërkëmbimi mbetet sekret, do të thotë se ka nevojë për t’u fshehur, në demokraci nuk ka nevojë për t’u fshehur. Një qeveri e re që synon të ndërtohet mbi fshehtësi, do të thotë se synon të ndërtohet mbi fshehjen e të vërtetës. Synimi është antikushtetues”, ka thënë Surroi.
“Përpjekja është të krijohet një realitet i ri, pa prononcimin e Gjykatës Kushtetuese. Nëse është e vërtetë, do të përballemi me dy qeveri, njëra që është ndërtuar në bazë të një procedurë kushtetuese dhe tjetra, e cila synon të marrë shumicën e votave në Parlament dhe ndoshta mund t’i sigurojë, por është ndërtuar jashtë procesit kushtetues. Kjo gjendje që tani po krijon një fërkim të panevojshëm politik, imagjino si do të reflektohet nëse me të vërtetë realizohet”.
Në pyetjen se a mund të jetë qeverisje e qëndrueshme LDK-AAK? Surroi tha se nuk do të formohet fare. “Do të ketë përpjekje, por ky kontrabandim është antikushtetues, nuk ka legalitet dhe nuk do të ketë as legjitimitet popullor. Është një aventurë shumë e keqe, e rrezikshme dhe e panevojshme kryesisht për ata aktorë që i janë futur kësaj”, tha ai.
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
FDP: Zvicra të deportojë azilkërkuesit në Shqipëri, sipas modelit italian "Për azilkërkuesit e refuzuar që nuk mund të kthehen në atdheun e tyre, duhet të kërkohen...
-
Operatorët zviceranë të skive janë optimistë pavarësisht reshjeve më të pakta të borës
-
Miratohet udhëtimi me autobus rajonal ndërmjet Italisë dhe Zvicrës
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë