Kosova
Banka Botërore: Mund të ketë rikthim të ekonomisë në Kosovë më 2021
Banka Botërore ka paraparë rënie të ekonomisë në Kosovë prej 4.5 për qind në vitin 2020, për shkak të COVID-19
Megjithatë ajo ka thënë se mund të ketë rikthim të rritjes më 2021.
Në raportin e publikuar të mërkurën është thënë se “Banka Botërore është duke finalizuar një program aktivitetesh, që mund të tejkalojë 120 milionë euro, për të mbështetur Kosovën në menaxhimin dhe zbutjen e ndikimit të koronavirusit”.
Ky program përfshin mes tjerash një projekt të ri me procedura të përshpejtuara për t’iu përgjigjur prioriteteve urgjente të sektorit të shëndetësisë dhe për të mbrojtur të ardhurat e ekonomive familjare.
“Banka Botërore është e përkushtuar të mbetet partner i fortë për Kosovën gjatë këtyre kohëve të vështira dhe ekipet tona po punojnë për t’i ndihmuar Kosovës për t’iu përgjigjur sa më shpejt krizës së COVID-19”, ka thënë, Marco Mantovanelli, menaxher i Bankës Botërore për Kosovën.
“Pas aprovimit nga Banka Botërore, është i nevojshëm nënshkrimi i shpejtë i marrëveshjes nga Qeveria si dhe ratifikimi nga Kuvendi për të siguruar që fondet janë në dispozicion për të përfituar Kosova dhe qytetarët e saj”, ka thënë mes tjerash ai.
Sipas këtij raporti, shpërthimi i pandemisë me koronavirus dhe masat e nevojshme të frenimit të saj janë duke shkaktuar presion të paparë për investimet, konsumin privat, por edhe për eksportet dhe remitencet nga diaspora.
Raporti i fundit përqendrohet në ndikim makroekonomik të këtij virusi në vendet e Ballkanit Perëndimor.
Marrë parasysh të dhënat e fundit, në Kosovë deri më tani janë regjistruar 790 persona të infektuar, 232 të shëruar dhe 22 të vdekur, si pasojë e koronavirusit të ri.
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
FDP: Zvicra të deportojë azilkërkuesit në Shqipëri, sipas modelit italian "Për azilkërkuesit e refuzuar që nuk mund të kthehen në atdheun e tyre, duhet të kërkohen...
-
Operatorët zviceranë të skive janë optimistë pavarësisht reshjeve më të pakta të borës
-
Miratohet udhëtimi me autobus rajonal ndërmjet Italisë dhe Zvicrës
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë