Kosova
16-vjeçari kosovar, i prekur me koronavirus, pas ritestimit del negativ
16-vjeçari nga Podujeva që më parë rezultoi pozitiv për COVID-19, sot pas ritestimit del negativ
Është bërë e ditur se 10 raste të reja me koronavirus janë konfirmuar sot në Kosovë, nga 250 mostra të testuara. Tre prej tyre kanë qenë nga komuna e Podujevës, ku mbrëmë janë testuar për COVID-19, por që të gjithë kanë dalë negativë.
“Mbrëmë kanë qenë tre qytetarë nga Podujeva, të tri rastet kanë qenë negativë”, ka deklaruar për Llapi.info Bedrie Rama, epidemiologe në QKMF-në e Podujevës.
Epidemiologia Rama ka deklaruar se personi (16-vjeçar) nga fshati Llapashticë e Poshtme, i cili dje është thënë se ka rezultuar pozitiv, sot pas ritestimit ka dalë negativ.
“Një rast që ia vlen të përmendet, të cilit i është përsëritur testi. Mbrëmë në orët e vona kemi marrë konfirmim nga Instituti Kombëtar i Shëndetësisë Publike të Kosovës se një person nga Podujeva është pozitiv me COVID-19, mirëpo familja e tij ka bërë kërkesë që t’i përsëritet testi për shkak se kanë qenë të shqetësuar se ai s’ka pasur kontakte me rastet që kanë qenë të infektuar dhe u është pranuar kërkesa, i është përsëritur testi edhe ka rezultuar negativ. Pra, tre raste negative kanë rezultuar sot, si dhe rasti pozitiv i djeshit nga Llapashtica sot po ashtu ka dalë negativ”, ka thënë tutje Rama.
Pas rasteve me koronavirus nga Podujeva, Rama ka theksuar se është duke u bërë një listë për rastet kontakte për t’u testuar.
“Nuk është bërë sot ndonjë testim të familjarëve, jemi duke hulumtuar rastet e kontakteve dhe jemi duke formuar listën”, ka thënë ajo.
Ka shkuar në 232 numri i të shëruarve nga koronavirusi në Kosovë. Të martën janë regjistruar 31 raste të reja shërimi, ndërsa dhjetë raste të reja kanë dalë pozitive nga 250 testime, ka bërë të ditur ministri i Shëndetësisë, Arben Vitia.
Kjo është dita e dytë rresht kur në Kosovë ka më shumë të shëruar se rezultate të reja pozitive me COVID-19, përcjell albinfo.ch.
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
FDP: Zvicra të deportojë azilkërkuesit në Shqipëri, sipas modelit italian "Për azilkërkuesit e refuzuar që nuk mund të kthehen në atdheun e tyre, duhet të kërkohen...
-
Operatorët zviceranë të skive janë optimistë pavarësisht reshjeve më të pakta të borës
-
Miratohet udhëtimi me autobus rajonal ndërmjet Italisë dhe Zvicrës
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë