Lajme
Vallëzimet në ballkone, performancat shqiptare gjatë kohës së koronavirusit
Derisa këndimi po ushtonte mes ndërtesave të qytetit bregdetar shqiptar të Durrësit, familjet dolën në ballkonet e tyre të ronitura, duartrokisnin në dritare dhe vallëzonin në çati.
Grupi i këngëtarëve që serenadojnë në portin e Durrësit janë ndër të vetmit njerëz në Shqipëri që u është dhënë leje e veçantë për të kuturisur përjashta gjatë orëve të karantinës. Çdo buzëmbrëmje, para perëndimit të diellit, ata shkojnë nëpër pjesë të ndryshme të portit kryesor shqiptar, të shoqëruar edhe nga eskorta e policisë dhe autoparlantët, për të performuar koncerte të atypëratyshme për familjet e mbyllura brenda ndërtesave, shkruajnë mediat shqiptare, përcjell albinfo.ch.
Koncerti në mbrëmjen e së martës, i pesti me radhë, zgjati 90 minuta, me këngëtarë që mbanin maska në fytyrë, duke kënduar me radhë këngë tradicionale në mikrofonin e mbështjellë me qese. Banorët rrihnin shuplakë me dorëza gome. Disa shkelën rregullat për të kuturisur përjashta dhe për të vallëzuar në rrugë afër dyerve.
Ata e përshkruanin interludin muzikor si bekim për qytetin që po përballet me një nga mbylljet më të rrepta në Evropë, ndërsa ka të freskëta ende plagët e tërmetit që vrau 24 njerëz më pak se 5 muaj më parë. “E mahnitshme, i harrova të gjitha shqetësimet”, ka thënë Ajshja, 60 vjeçe. Ajo vallëzonte, sytë që i shkëlqenin, duke mbajtur telefonin e saj për t’ia treguar koncertin live të birit që është i strehuar në Kosovë për shkak se lëkundja e tokës e bëri shtëpinë e tij të pabanueshme.
Të ngjashme
Të tjera nga Lajme
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin