Opinione
Në Tiranë po shembet Shqipëria, jo teatri
![](https://www.albinfo.ch/wp-content/uploads/2019/04/nezir88-728x430-587x347.jpg)
Nga Nezir Kraki – ligjërues në Universitetin Paris-Est Créteil (UPEC)
Pa asnjë gram politikë, shembja e teatrit në Tiranë është sinonim i shembjes së shtetit shqiptar që kurrë s’u ngrit në lartësinë e dinjitetshme të vendit të shqiponjave.
Sot nuk bëhët fjalë për teatër, por për një truall ultra strategjik për ata që e sollën Ramën në pushtet dhe që e izoluan Shqipërinë kur ajo ishte në prag të daljes nga kafazi. Shqipërinë dhe teatrin i shembin ata që janë më të fortë se shteti. Teatri i Tiranës është thjesht çështje biznesi milionësh me pronat, pallatet, lokalet dhe banimet që do dalin nga ky projekt. Këtu ka çdo lloj halli, por jo hall artistik.
Miq të dashur, Tirana i ka 1001 halle bazike me të cilat përballen qytetarët e saj. Tirana nuk ka as hyrje as dalje të denja për një kryeqendër. Tirana nuk ka ujë as drita si duhet. Nuk ka as kanalizime si duhet. Nuk ka as parkingje si duhet. Thjesht, Tiranës i mungojnë të gjitha infrastrukturat që jetën e bëjnë normale. Është qytet i asfiksuar nga ndërtimet e mbindërtimet. Qytet i çrregullt në çdo element të tij.
Me fjalë të tjera, Tirana nuk është fare qytet. Është zonë gjeografike e pakufizuar, me popullsi të panumëruar, me banime të paregjistruara, me rrugë të pasigurta, me adresa të panjohura… veç Kinshasa dhe Tumbuktu i afrohen Tiranës për nga çrregulli.
E tash, nëse kjo është Tirana dhe këto janë hallet e qytetarëve të saj, si mundet mendja e shëndoshë ta kuptojë idenë apo nevojen e shembjes së teatrit?!
Çka i sjell konkretisht kjo Tiranës? A krejt janë rregulluar deri te teatri?
A do kalojë aty ndonjë metro moderne apo kjo prishje është pjese e një plani strategjik global për Tiranën e denjë?!
JO! Është thjesht plan banditesk lokal që bosht strategjik ka parcelën e tokës në zemër të Tiranës. Ndryshe nuk kuptohet kjo urgjencë për shembje.
Fatkeqësisht, shteti bandit dhe autoritar rrëzon edhe shtëpi e spitale, edhe kisha e xhamia, por asnjëherë nuk do ta rrëzojë përpjekjen tonë për dinjitetin e dhunuar të vendit të shqiponjave.
Prandaj, miq t’dashur, lini anash partitë dhe bandat, mendoni një minutë për të nesërmen. Kush do shkojë në Teatrin e ri pallat dhe cilin spektakël do ta shikojnë fëmijët tuaj?
Me këtë cikël të poshtër, i vetmi spektakël që do shikohet aty, do jetë ai i një populli të pashpresë të dhunuar deri në dinjitet nga matrapazë politikë që kurrë s’u ngopën.
Pa politikë, të gjithë kundër shembjes së Shqipërisë.
Të ngjashme
Opinione tjera
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë