Integrimi
Dita e takimeve ndërkulturore, me tregime në gjuhën shqipe
Dita e takimeve ndërkulturore është një festë e përbashkët, kryesisht e shoqatave të migrantëve që për çdo vit ngrenë stendat e tyre në qendër të qytetit
![](https://www.albinfo.ch/wp-content/uploads/files/DSC_0047(2)-587x396.jpg)
Në kuadër të Ditës së takimeve ndërkulturore, qyteti i St. Gallenit ishte kthyer të shtunën në një arenë festive për qytetarët e këtij regjioni, të cilët duke shfrytëzuar kohën e mirë me diell, kishin stërmbushur qytetin e vjetër me ngjyra të flamujve të migrantëve që prezantonin kulturën e tyre përmes kulinarisë, këngëve, valleve e leximit të tregimeve për fëmijë.
Dita e takimeve ndërkulturore është një festë e përbashkët, kryesisht e shoqatave të migrantëve që për çdo vit ngrenë stendat e tyre në qendër të qytetit, duke ofruar programe me muzikë, vallëzim, lexime e informacione, si dhe ushqime tradicionale nga mbarë bota. Komuniteti shqiptar, ndonëse ishte mjaft prezent në rrugët e qytetit, në këtë manifestim nuk dukej shumë.
E vetmja grua shqiptare që ishte aty me këngë dhe lexim të tregimeve për fëmijë ishte aktivistja Fitnete Lala Schid, e cila në kuadër të ARGE-Ostschweiz angazhohet në bibliotekën e qytetit të quajtur “Freihandbibliothek”.
Ajo në këtë manifestim takimesh me vogëlushet që vizitojnë bibliotekën këndoi dhe lexoi para një numri të madh të qytetarëve zviceranë në gjuhën shqipe.
Ndërkohë që bashkë me të tjerë kishte zënë vend në stendën e bibliotekës St. Gallen “Freihandbibliothek” për t’i informuar kalimtarët për aktivitetin dhe shumëllojshmërinë e kësaj biblioteke që mban me qindra libra në dhjetëra gjuhë të botës.
Ndër to edhe në gjuhën shqipe. Madje, jo vetëm kaq. Fitnete Schimd ka edhe “Orën e përrallës shqipe”, të cilën e mban çdo të enjte të parë të muajit prej ores 17.00.
Përderisa në këtë bibliotekë ju mund të gjeni për çdo muaj edhe revistën mujore të albinfo.ch.
Dita e takimeve është një vendmanifestim ideal për të treguar para publikut prezencën e shoqatave tuaja, për t’u lidhur me të tjerë e për të gjetur anëtarë të rinj. Manifestimi krijon mundësi për lidhje të reja dhe tregon shumëllojshmërinë e shoqërisë së qytetit tonë, thuhet në një njoftim të lëshuar nga organizatorët.
B. Dalipi
Të tjera nga Integrimi
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë