Integrimi
Kusari Lila vizitë katër ditore në Zvicër e Itali
Vizita e kryetares së Gjakovës, Mimoza Kusari Lila, në këto dy shtete është kryesisht e natyrës së ekonomisë dhe biznesit
Kryetarja e Komunës së Gjakovës, Mimoza Kusari-Lila, nga sot e deri të premten do të qëndroj në Zvicër dhe Itali. Ajo është e angazhuar në vizita promovuese në këto dy vende, ndërsa në fukus të takimeve do të jenë afaristët e Diasporës. Kështu njofton Zyra për Informim e Komunës së Gjakovës.
Në këtë vizitë katër ditësh kryetarja e Gjakovës, takimin e parë e zhvillon me biznesmenët nga Diaspora e Kosovës në shtetin e Zvicrës. Në këtë takim kryetarja Kusari Lila do të jetë e shoqëruar edhe me Bernard Nikaj, ud i Ministrit në Ministrin e Tregtisë dhe Industrisë të Republikës së Kosovës.
“Vizita nga ana e kryetares Kusari Lila, në këto dy shtete është kryesisht e natyrës së ekonomisë dhe biznesit. Kështu edhe dita e dytë e qëndrimit të kryetares Kusari Lila në Zvicër, ka të bëjë me takime të bizneseve të suksesshëm në Zvicër”, thuhet në njoftimin për media.
Të mërkurën Kusari-Lila e shoqëruar nga përfaqësuesit e Ambasadës së Kosovës në Zvicër, do t’i vizitojë bizneset e suksesshëm në rajonin e Lucernit. “Vazhda e takimeve e kryetares së komunës Mimoza Kusari Lila në këto ditë, është mjaftë e ngjeshur”, thuhet në njoftim.
Kështu takimet e saja me biznesmen do të vazhdojnë për dy ditë edhe në Itali.
“Në shtetin Italian, Kusari Lila takimin e parë sipas agjendës do ta ketë me 3 biznese italiane në rajonin e Firenzes. Në ditën e dytë të qëndrimit të kryetares në Itali, më saktë të premten është paraparë një takim me kryetarin e Komunës së Torinos”, thuhet në njoftim.
Të tjera nga Integrimi
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin