Kosova
Mediat e huaja shkruajnë për tranformimin e FSK-së
Agjencia e lajmeve Reuters dhe Gazeta New York Time u kanë dedikuar nga një artikull transformimit të FSK-së në Ushtri të Kosovës.
Reuters ka shkruar se Parlamenti i Kosovës votoi të premten për të krijuar një ushtri prej 5,000 personash, një javë pasi kryeministri serb i sugjeroi se masa mund të provokonte ndërhyrjen ushtarake nga Beogradi.
Masa, që vjen 20 vjet pas kryengritjes së shqiptarëve të Kosovës kundër sundimit serb dhe një dekadë pas pavarësisë, u vlerësua si “historike” nga Shtetet e Bashkuara, por NATO e kritikoi atë si të padobishme në përpjekjet për të lehtësuar tensionet midis Kosovës dhe Serbisë.
Legjislacioni për transformimin e Forcës së Sigurisë së Kosovës lehtë, e krijuar kryesisht për reagimin ndaj krizave, mbrojtjen civile dhe heqjen e mjeteve nga konflikti i viteve 1990, në një ushtri u miratua nga 105 deputetë në Asamblenë prej 120 vendesh.
“Presidenti serb Aleksandar Vuçiç do të inspektojë trupat përgjatë kufirit të Kosovës gjatë tre ditëve të ardhshme, tha zyra e tij të enjten”, shkruan Reuters, përcjell albinfo.ch.
Ndërsa New York Time ka shkruar se të 107 ligjvënësit e pranishëm në Parlamentin e Kosovës, të dominuar nga partitë etnike shqiptare, votuan për të mbështetur planin e qeverisë për të transformuar Forcën e Sigurisë së Kosovës të armatosur me më pak se 3,000, veta në një ushtri që do të rritet në 5,000 trupa aktive dhe 3,000 rezervistë në dekadën e ardhshme.
Në artikullin e New York Time gjithashtu thuhet se deputetët serbë të Kosovës nuk morën pjesë në seancë.
Dhe se Aleksandar Vuçiç, presidenti i Serbisë, tha në qytetin e Trstenikut në Serbinë qendrore në prag të votimit: “Asnjë akt i vetëm në të drejtën ndërkombëtare nuk u jep atyre të drejtën për të formuar ushtrinë”.
Të ngjashme
Të tjera nga Kosova
E-Diaspora
-
Njoftim nga Ambasada e Kosovës në Bernë lidhur me fletvotimet Ambasada e Republikës së Kosovës në Bernë ka bërë me dije se zarfet me fletvotime sipas...
-
Vazhdon procesi i regjistrimit të votuesve nga diaspora, 11.973 aplikime
-
Vajzat dhe gratë shqiptare që shënuan vitin 2024
-
Shqipëri: Për 72 orë 10 mijë të regjistruar për votim jashtë vendit
-
Birr (AG): Tubim përkujtimor për viktimat e gjenocidit në Kosovë
Jeta në Zvicër
-
Njoftim nga Ambasada e Kosovës në Bernë lidhur me fletvotimet Ambasada e Republikës së Kosovës në Bernë ka bërë me dije se zarfet me fletvotime sipas...
-
Zvicër: Çmimet e çokollatës do të rriten
-
Hodhi para nga droni, dënohet influencuesi në Zvicër
-
Sunrise, ofruesi i dytë më i madh i telekomit në Zvicër do të rrisë çmimet
-
Banorët e Zvicrës që bëjnë blerje jashtë vendit do të paguajnë më shumë TVSH-në e tyre