Strakosha ndali Ronaldon, Hysaj shkëlqen në derbi

Pritja e tij ndaj yllit portugez ka pushtuar rrjetet sociale

(Maurizio Brambatti/ANSA via AP)

Futbollistët shqiptarë vazhdojnë të jenë protagonistë në skuadrat ku aktivizohen.

Lazio u mposht 2:0 nga Juventusi, por portieri Thomas Strakosha, ka bërë paraqitje të mirë në këtë duel, duke ndalur Cristiano Ronaldon.

Pritja e tij ndaj yllit portugez ka pushtuar rrjetet sociale dhe është transmetuar në shumë media botërore, shkruan albinfo.ch.

Ai nga mediat italiane është vlerësuar me notën 6.5, që është një notë e mirë.

Paraqitje mjaft të mirë ka bërë edhe mbrojtësi i krahut të djathtë, Elseid Hysaj për Napolin në fitoren 3:2 ndaj Milanit.

Mbrojtësi i kombëtares është vlerësuar me notën 6 nga mediat italiane.

Napoli shënoi fitoren e dytë nga dy ndeshje të zhvilluara.

https://www.youtube.com/watch?v=-ke1iwIpI8E