Varone fiton besimin, pavarësisht procesit gjyqëor ndaj tij

Fakti se ndaj tij fillon një proces për përpjekje të vjedhjes së objekteve arkeologjike, nuk u ka bërë përshtypje delegatëve

Delegatët e FDP-PLR-së së kantonit Valis e kanë kandiduar komandantin e policisë kantonale Christian Varone për qeverinë e kantonit në zgjehdjet që mbahen vitin e ardhshëm. Ai ka fituar me një shumicë bindëse që në qarkun e parë zgjedhor.

Fakti se Varones më 25 shtator në Turqi i hapet një proces gjyqësor për përpjekje të vjedhjes së objekteve të trashëgimisë kulturore, nuk u ka bërë përshtypje delegatëve. Ndërkaq, sipas ligjit turk, komandanti policor nga Valisi mund të marrë për veprën e kryer një dënim deri në 5 vjet burg.

Siç dihet, ai është kapur në aeroportin e Antalias, në Turqi, me një gur me vlera arkeologjike, që e kishte marrë nga një rrënojë antike në rrethinat e qytetit.

Në mbledhjen ku u bë kandidimi, ish anëtari i Këshillit Federal (qeverisë) të Zvicrës, Pascal Couchepin që vjen nga FDP ka dashur që para zgjedhjes, Varone të garantonte se në rast të dënimit do të tërhiqte kandidaturën.

Por, disa delegatë kanë protestuar ndaj këtij veprimi të Couchepin-it!

Për Varonen në kanë votuar 1338 nga 2171 delegatët që kanë marrë pjesë në votim. Për kundërkandidatin e tij Marc-Andre Berclaz kanë votuar 468 veta ddhe për Lise Delaloye 355 veta.