Shqipëria
Ku ka më së shumti emigrantë shqiptarë?
Të dhënat janë publikuar nga Pew Research Center, i cili ka përditësuar informacionin e vitit 2017, bazuar në statistikat e Kombeve të Bashkuara
Në vitin 2017 ishin 1,150,000 njerëz të lindur në Shqipëri, që po jetonin në shtete të tjera.
Të dhënat janë publikuar nga Pew Research Center, i cili ka përditësuar informacionin e vitit 2017, bazuar në statistikat e Kombeve të Bashkuara.
Sipas të dhënave të INSTAT, në Shqipëri jetonin 2.87 milionë banorë, pra shqiptarët që jetojnë jashtë përbëjnë 40% të atyre që janë brenda, sipas përllogaritjeve të Monitor.
Sipas raportit të Pew Research, Italia është destinacioni i parë ku jetojnë emigrantët shqiptarë. Në total janë rreth 460 mijë shqiptarë që jetojnë në Itali, përcjell albinfo.ch.
Në vend të dytë është Greqia, e cila dikur ka qenë destinacioni kryesor i emigrantëve, por që vitet e fundit shumë janë kthyer pas krizës së borxheve që pushtoi shtetin grek.
Në vend të tretë janë Shtetet e Bashkuara, një destinacion mjaft i preferuar, ku shumë shqiptarë në vite kanë ikur përmes lotarisë apo me forma të tjera. Në Shtetet e Bashkuara të Amerikës jetojnë 90 mijë shtetas që kanë lindur në Shqipëri.
Më pas renditet Maqedonia, ju jetojnë 70 mijë persona, të ndjekur nga Mbretëria e Bashkuar me 30 mijë shqiptarë dhe Gjermania me 20 mijë shqiptarë dhe Kanadaja po me 20 mijë.
Sipas të dhënave të INSTAT, në shtatë vitet e fundit (2011-2017), nga Shqipëria janë larguar në total rreth 330 mijë persona, si emigrantë.
Që nga viti 2011 vihet re që ka pasur një rritje të shqiptarëve që braktisin vendin. Në atë vit, që përkon me heqjen e vizave, u shënua dhe numri më i lartë i të ikurve, me rreth 52 mijë. Pasi është zvogëluar gradualisht në vite, një valë e re emigracioni u shënua sërish në 2017, në rreth 40 mijë persona të ikur.
Ndërsa ka shumë persona që kthehen, numri i atyre që ikin mbetet gjithnjë më i lartë dhe diferenca është negative. Në 2017-n, në një zhvillim negativ, pasi migracioni neto është përkeqësuar.
Të dhënat e INSTAT tregojnë se në vitin 2017, numri i emigrantëve është 39.905 persona dhe numri i imigrantëve, 25.003 persona. Migracionit neto (diferenca midis imigrantëve dhe emigrantëve), rezulton -14.902 persona. Një vit më parë, diferenca ishte shumë më e ulët, më pak se 10 mijë persona. Kjo tregon se më shumë po ikin dhe më pak po kthehen.
E-Diaspora
-
Ndërron jetë mërgimtari i ri shqiptar në SHBA, si pasojë e një aksidenti Aksident tragjik, ndërron jetë i riu shqiptar në Amerikë...
-
Haradinaj i drejtohet komunitetit shqiptar në SHBA: Kosova ka nevojë për ju
-
Planet e së ardhmes që synon t’i zhvillojë Mira Murati e që lidhen me miliona dollarë
-
“Diaspora Për Shqipërinë e Lirë” me kërkesa për votën e emigrantëve
-
Prishtinë: Lule Elezi performoi me rastin e 25-vjetorit të themelimit të QKRMT-së
Jeta në Zvicër
-
Zvicër: Deputetët bëjnë thirrje për ndalimin e disa racave të rrezikshme të qenve Lajmi se një Rottweiller sulmoi dhe kafshoi rëndë dy fëmijë dhe disa të rritur në Cyrih...
-
Këshilli Federal shkurton pensionet e përjetshme për të vejat
-
Tonelata ari fshihen në shtëpi ose “varrosen” në kopshtet zvicerane
-
FMN: Zvicra nuk do të ketë ritmin e njëjtë të rritjes ekonomike në 2025-ën
-
Kantoni zviceran, në listën e “10 rajoneve më të mira” të Lonely Planet