Shqipëria
Shqipëria mirëpret Strategjinë e zgjerimit të BE-së
Megjithatë, Strategjia e re, ka parashikuar afate kohore vetëm për Serbinë dhe Malin e Zi, sipas së cilës, këto dy vende mund të anëtarësohen në BE diku në vitin 2025. Përderisa vendet tjera si Shqipëria, Maqedonia, Bosnjë e Hercegovina dhe Kosova janë përfshirë në Strategjinë e Zgjerimit, por pa ndonjë afat kohor për anëtarësim
Kryeministri i Shqipërisë, Edi Rama tha se Qeveria e tij përshëndet Strategjinë e re të Komisionit Evropian për gjashtë vendet e Ballkanit Perëndimor, duke shprehur shpresën për një hapje të shpejtë të bisedimeve të pranimit të vendit në Bashkimin Evropian.
“Hapja e negociatave për pranimin e Shqipërisë në Bashkimin Evropian është më afër se kurrë”, është shprehur Rama pas botimit të Strategjisë së re të BE, raporton “Radio Evropa e Lirë”.
Komisioni Evropian pohoi gatishmërinë e tij për të hapur negociatat me Shqipërinë për pranimin e saj në BE, në Strategjinë e re të publikuar të martën në Strasburg, përcjell albinfo.ch.
“Nga gjashtë që kemi, dy nga partnerët e Ballkanit Perëndimor – Mali i Zi dhe Shqipëria – janë 100 për qind të njëjta me pozicionet tona të përbashkëta të politikës së jashtme dhe të sigurisë”, tha Federica Mogherini.
Edhe përfaqësuesja e BE-së në Shqipëri, Romana Vlahutin tha se “Shqipëria ka në fakt një mundësi të vërtetë dhe të menjëhershme për të ecur para drejt hapjes së negociatave”, duke shtuar se “sa më shumë reforma aq më shpejt do të arrini objektivin”.
Vlahutin tha se kjo është një strategji përcakton shumë qartë prioritetet për të gjitha vendet e rajonit, pavarësisht nga faza teknike në marrëdhëniet e tyre kontraktuale me BE-në.
Edhe ministri i Jashtëm i Shqipërisë, Ditmir Bushati tha se mirëpriti vlerësimin e Komisionit Evropian dhe gatishmërinë për fillimin e bisedimeve të anëtarësimit me Shqipërinë.
Megjithatë, Strategjia e re, ka parashikuar afate kohore vetëm për Serbinë dhe Malin e Zi, sipas së cilës, këto dy vende mund të anëtarësohen në BE diku në vitin 2025. Përderisa vendet tjera si Shqipëria, Maqedonia, Bosnjë e Hercegovina dhe Kosova janë përfshirë në Strategjinë e Zgjerimit, por pa ndonjë afat kohor për anëtarësim.
Shqipërisë, që është anëtare e NATO-s që nga viti 2009, i është dhënë statusi i kandidatit për BE në vitin 2014 dhe shpreson që negociatat për anëtarësim t’i fillojë këtë vit.
E-Diaspora
-
Nga Vjena në Shqipëri, ekstradohet një shtetas shqiptar I dënuar me mbi 3 vjet burgim, për dhënie ndihmë për kalim të paligjshëm të kufijve....
-
Në Gjermani janë regjistruar më shumë se 200 mijë qytetarë nga Kosova
-
Është hapur ekspozita e parë etnografike shqiptare në Zvicër
-
“Realitetet e luftës”: Alain Chin na e sjell në kujtesë luftën e Kosovës
-
Shoqata “ILIRËT” do të prezantohet me këngë e valle shqiptare në qytetin Gland
Jeta në Zvicër
-
“Një fëmijë”: Një histori e fuqishme shqiptare në “Bern Film Club Festival” Filmi “Një fëmijë” ka fituar edhe çmimin “Filmi më i mirë kombëtar” në Festivalin Ndërkombëtar të...
-
Qiratë e larta i pengojnë njerëzit të ndryshojnë apartamentet
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja