Shqipëria
Protesta e opozitës në Shqipëri vazhdon në Kuvend
Protesta e Opozitës në Shqipëri nga rruga ka vazhduar në Kuvend. Deputetët kanë bllokuar foltoren e Kuvendit duke pamundësuar vazhdimin e punimeve.
Deputetët e opozitës kanë rrethuar kryetarin e grupit në foltoren e Parlamentit, Edmond Spaho, pasi kreu i Kuvendit, Gramoz Ruçi urdhëroi përjashtimin e tij, përcjell albinfo.ch.
Pasi deputeti Spaho nuk është larguar nga salla e Kuvendit, kryeparlamentari ka urdhëruar Gardën të ndërhyjë për të nxjerrë jashtë sallës, deputetin Edmond Spaho.
Me thirrjet “Hajdut, kriminelë” sa herë që nga salla merrnin fjalën deputetët e mazhorancës, opozita vijoi të mbajë të bllokuar foltoren e Kuvendit deri në momentin kur Taulant Balla kërkoi ndërprerjen e seancës.
Protestat nuk do të ndalen, u shpreh kryetarja e LSI-së, Monika Kryemadhi, teksa vijoi se Kuvendi do t’i kthehet normalitetit kur t’i kthehet Kushtetutës. “Protestat nuk do të ndalojnë në asnjë moment. Nuk janë thjesht thirrja e qytetarëve në bulevard, nga më të ndryshmet. Kemi protestat te gjimnazistët, studentët për tarifa më të ulëta, minatorët, edhe tek ata qytetarë që quhen shtresa e mesme po që Edi Rama i shkatërroi me taksat e larta. Rikthimi normal do të jetë kur Parlamenti t’i kthehet Kushtetutës”, tha Kryemadhi. Por, jashtë sallës së Kuvendit, Lulzim Basha përsëriti akuzat ndaj Qeverisë për ekstradimin e Nezar Seitit. Kreu i PD-së thotë se në ekstradimin e Nezar Seitit janë të përfshira dhe përgjegjëse të gjitha institucionet.
E-Diaspora
-
Nga Vjena në Shqipëri, ekstradohet një shtetas shqiptar I dënuar me mbi 3 vjet burgim, për dhënie ndihmë për kalim të paligjshëm të kufijve....
-
Në Gjermani janë regjistruar më shumë se 200 mijë qytetarë nga Kosova
-
Është hapur ekspozita e parë etnografike shqiptare në Zvicër
-
“Realitetet e luftës”: Alain Chin na e sjell në kujtesë luftën e Kosovës
-
Shoqata “ILIRËT” do të prezantohet me këngë e valle shqiptare në qytetin Gland
Jeta në Zvicër
-
“Një fëmijë”: Një histori e fuqishme shqiptare në “Bern Film Club Festival” Filmi “Një fëmijë” ka fituar edhe çmimin “Filmi më i mirë kombëtar” në Festivalin Ndërkombëtar të...
-
Qiratë e larta i pengojnë njerëzit të ndryshojnë apartamentet
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja