Shqipëria
Ambasada amerikane apel: Mos dilni nëpër qytete të shtunën
Në një njoftim të shpërndarë në faqen zyrtare të Ambasadës amerikane, u bëhet thirrje qytetarëve amerikanë që të shmangin zonën ku do të zhvillohet protesta. Të shtunën opozita ka paralajmëruar protestë gjithëpopullor
Protesta e paralajmëruar nga opozita shqiptare për datën 27 janar, ka shqetësuar edhe personalin amerikan në Shqipëri. Ambasada e Shteteve të Bashkuara të Amerikës në Tiranë sot ka dhënë një njoftim informues për shtetasit e saj, që të shtunën, në ditën e protestës, t’i evitojnë frekuentimet nëpër qytet.
Në një njoftim të shpërndarë në faqen zyrtare të Ambasadës, kjo e fundit i bën thirrje qytetarëve amerikanë që të shmangin zonën ku do të zhvillohet protesta.
“Një demonstratë pritet të zhvillohet më 27 Janar 2018, duke nisur nga ora 10:00. Grupi ka si qëllim të protestojë kundër qeverisë shqiptare. Personeli i Ambasadës Amerikane dhe pjesëtarët e familjeve të tyre janë të udhëzuar që të evitojnë vendet ku do të zhvillohet protesta”, thuhet në njoftim.
Ambasada këshillon qytetarët amerikanë që të evitojnë zonën e bulevardit “Dëshmorët e Kombit”, sheshin “Skënderbej” dhe “Nënë Tereza”. “Bëni kujdes nga mjedisi ku qëndroni, monitoroni mediat lokale për përditësime dhe ruani një profil të ulët”, janë disa prej këshillave që Ambasada u ka adresuar qytetarëve të saj.
Sipas opozitës, kjo do të jetë protesta më e madhe opozitare që është zhvilluar viteve të fundit, ndërsa për moto ka ndaljen e keqqeverisjes nga Qeveria Rama.
E-Diaspora
-
Nga Vjena në Shqipëri, ekstradohet një shtetas shqiptar I dënuar me mbi 3 vjet burgim, për dhënie ndihmë për kalim të paligjshëm të kufijve....
-
Në Gjermani janë regjistruar më shumë se 200 mijë qytetarë nga Kosova
-
Është hapur ekspozita e parë etnografike shqiptare në Zvicër
-
“Realitetet e luftës”: Alain Chin na e sjell në kujtesë luftën e Kosovës
-
Shoqata “ILIRËT” do të prezantohet me këngë e valle shqiptare në qytetin Gland
Jeta në Zvicër
-
“Një fëmijë”: Një histori e fuqishme shqiptare në “Bern Film Club Festival” Filmi “Një fëmijë” ka fituar edhe çmimin “Filmi më i mirë kombëtar” në Festivalin Ndërkombëtar të...
-
Qiratë e larta i pengojnë njerëzit të ndryshojnë apartamentet
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja