Shqipëria
Rama nga Fieri inkurajon qytetarët të mos frikësohen nga përmbytjet
Emergjencat Civile në Shqipëri në raportin e fundit kanë njoftuar se rreth 300 shtëpi në fshatrat Fitore, Bishan, Ferras, Poro dhe Frakull ndodhen nën ujë për shkak të daljes nga shtrati i lumit Vjosa
Përmbytjet e shumta dy ditët e fundit kanë detyruar edhe kryeministrin Rama të dalë në terren, ai ka zbritur në terren për të inspektuar zonat e përmbytura në qytete të ndryshme, transmeton albinfo.ch.
Ai vizitoi fshatin e Ferrasit në Fier, ku në orët e mëngjesit Forcat e Armatosura evakuan 20 banorë për të shmangur ndonjë rrezik të mundshëm. Rama u është zotuar banorëve të zonës se do të sigurohet që të mos ndodhë më kjo histori. “Të siguroheni i dashur që nuk vazhdon më kjo histori, mos kini merak”, iu drejtua kreu i qeverisë një banori.
Emergjencat Civile në Shqipëri në raportin e fundit kanë njoftuar se rreth 300 shtëpi në fshatrat Fitore, Bishan, Ferras, Poro dhe Frakull ndodhen nën ujë për shkak të daljes nga shtrati i lumit Vjosa. “Në këtë zonë ka prani uji dhe në 1,000 ha tokë, si dhe janë përmbytur 310 ha të tjerë. Në zonat e rrezikuara janë larguar dhe shumë krerë bagëti nga rreziku. Për përballimin e gjendjes janë angazhuar 710 forca dhe 152 mjete”, thuhet në njoftim, transmeton albinfo.ch.
Emergjencat thonë se tash pasi intensiteti i reshjeve ka rënë rreziku kryesor paraqitet në pellgun e lumit Vjosë, sidomos në Vlorë dhe Fier. “Rrugët janë mbajtur të lira. Nga avaritë gjatë natës janë dëmtuar ujësjellësit e Krujës, Ballshit dhe Bishqemit Fushë. Funksionimi i plotë i hidrovoreve ka qenë dhe mbetet një ndër elementët më pozitivë gjatë kësaj gjendjeje të rëndë.
Situata do të vijojë të mbetet e rëndë dhe, për këtë arsye, kërkohet mirëkuptim dhe bashkëpunim i gjerë dhe solidaritet”, thuhet në njoftim. Ndërsa Ministrja Olta Xhaçka dhe ambasadori amerikan Donald Lu vizituan sallën operacionale në QBO të Forcave të Armatosura. Ambasadori amerikan vlerësoi punën dhe angazhimin e deritanishëm të Forcave të Armatosura për përballimin e kësaj situate.
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin