Bota
Përpjekje e re për formimin e Qeverisë në Gjermani
Socialdemokratët gjermanë (SPD) njoftuan se janë të gatshëm të zhvillojnë bisedime me partitë e tjera për formimin një qeverie të re, duke shmangur kështu zgjedhjet e reja dhe duke i dhënë zgjidhje krizës politike që ka përfshirë vendin, raporton “Zëri i Amerikës”.
Kancelarja Angela Merkel, blloku konservator i së cilës fitoi zgjedhjet në 24 shtator, nuk ia ka dalë ende të formojë një qeveri koalicioni për të udhëhequr për një mandat të katërt ekonominë më të madhe të Bashkimit Evropian, përcjell albinfo.ch.
Socialdemokratët gjermanë kanë qeverisur në koalicion me Angela Merkelin që nga 2013, por kreu i partisë Martin Schulz njoftoi se do të kalonte në opozitë pas rezultatit dërrmues në zgjedhje.
Megjithatë sekretari i përgjithshëm i SPD-së, Hubertus Heil, tha pas një takimi tetë-orësh të kryesuar nga Martin Schulz, se “SPD është bindur se duhet të zhvillohen bisedime”, duke shtuar “partia është e hapur për këtë çështje”. Megjithatë zoti Heil nuk tha se me cilat parti do të negociojnë socialdemokratët.
Gjermania, vendi më i qëndrueshëm i Bashkimit Evropian, u zhyt në një krizë politike të hënën, pasi kreu i Partisë së Lirë Demokratike pro-biznes (FDP) hoqi dorë nga bisedimet. Ai tha se nuk ekzistonte një “bazë besimi” për të krijuar një qeveri në aleancë me konservatorët dhe ekologjistët e gjelbër.
E-Diaspora
-
Shoqata ‘Sharri’ organizon festë me rastin e 28 Nëntorit ...
-
Studentët shqiptarë në Diasporë, urë lidhjeje me atdheun
-
Përfaqësuesit e Albanian Engineering of Switzerland vizitojnë nga afër ndërtimin e stacionit hekurudhor në Bernë
-
Sopranoja Elbenita Kajtazi performon në Vjenë
-
Erdhën nga Suedia në Kosovë për të zhvilluar tutje sportin e famshëm Golf
Jeta në Zvicër
-
Këto janë komunat më tërheqëse për të jetuar në Zvicër Kushdo që mendon të lëvizë, do të kërkojë një vend të ri për të jetuar bazuar...
-
Zvicra është pa dyshim më pak e sigurt se sa ishte disa vjet më parë
-
Zvicra grumbulloi ar me vlerë rreth 15 miliardë franga
-
Tryezë e rrumbullakët në Lozanë
Mungesa e fuqisë punëtore të kualifikuar në Zvicër: cilat janë sfidat, cilat janë zgjidhjet dhe cilat janë mundësitë?
-
Mbi 3 milionë njerëz erdhën në Zvicër nga viti 2002