Rama: Kosovarët janë lodhur nga durimi i izolimit

"Kosovarët janë populli i vetëm në të gjithë Evropën, që nuk mund të largohet nga vendi i vet. Për shkaqe të pakuptimta”, ka thënë Rama

Keystone

Edhe kryeministri i Shqipërisë, Edi Rama, ka akuzuar Brukselin për marrëdhënie të padrejta me vendin e tij. Ai thekson se shqiptarëve u është sosur durimi me Bashkimin Evropian dhe se qëndrimi i Brukselit në çështjen e hapjes së negociatave është një çmenduri pasi sipas tij, BE po i jep më shumë përparësi procesit të integrimit të Serbisë dhe Malit të Zi, ndërsa ka anashkaluar Shqipërinë.

Në një intervistë për gazetën gjermane, “Frankfurter Rundschau”, Rama shprehet se nuk e kupton frikën e udhëheqësve evropianë, të cilët sipas tij, e lidhin hapjen e negociatave të pranimit në BE, me zgjedhjet në vendet e tyre apo rebelimin e opinionit publik.

Kryeministri Rama ka kritikuar BE-në edhe izolimin e Kosovës siç ka thënë ail “Kosovarët kanë shtetin e tyre, dhe nuk mund të udhëtojnë më. Jo vetëm që ka një lodhje të vazhdueshme, por ka edhe një lodhje nga durimi. Kosovarët janë populli i vetëm në të gjithë Evropën, që nuk mund të largohet nga vendi i vet. Për shkaqe të pakuptimta”, ka thënë Rama.