Austria, investitori më i madh në Maqedoni

Austria, Britania e Madhe dhe Greqia janë tri vendet nga të cilat kanë hyrë më shumë investime të huaja në Maqedoni në periudhën 1997 – 2016. Në këtë periudhë 20-vjeçare në Maqedoni u investuan gjithsej 4.6 miliardë euro.

Austria është në vendin e parë me investime prej 567.5 milionë euro, ose 12.2 për qind të investimeve totale të huaja, ndërsa vendi i dytë është Britania e Madhe me 519.4 milionë euro të investuara, ose 11.2 për qind të totalit të investimeve. Në vendin e tretë është Greqia me investime prej 463.4 milionë eurosh, ose 10 për qind të totalit të investimeve të huaja, përcjell albinfo.ch.

Lista e investitorëve më të mëdhenj plotësohet me Kinën me 26.3 milionë euro.

Me investimet direkte vijnë me radhë në top 10  Italia me 20 milionë euro, Zvicra me 18.9 milionë euro, Bullgaria me 17.8 milionë euro dhe SHBA-ja me investime direkte prej 17.6 milionë eurosh.

Vitin e kaluar, me një total prej 53.1 milionë eurosh investime të drejtpërdrejta, Emiratet e Bashkuara Arabe u renditën në listë.