Ekonomi
Si u mashtruan konsumatorët e Evropës Lindore nga firmat e njohura të ushqimeve?
![](https://www.albinfo.ch/wp-content/uploads/2017/09/cola-587x391.jpg)
Kompanitë multinacionale të ushqimit dhe pijeve kanë “mashtruar” blerësit në Evropën Lindore për vite me radhë, duke u shitur atyre versione më të ulëta të markave të mirënjohura, sipas zyrtarit më të lartë të Komisionit Evropian, përgjegjës për drejtësinë dhe konsumatorët.
Në një sulm të hapur ndaj gjigantëve të korporatave që ajo pretendon se e ka thyer ligjin, komisarja e Çekisë, Vera Jourová, i tha “Guardian”: “Ne themi për herë të parë në mënyrë të qartë: kjo është praktikë e padrejtë tregtare. Në shumë raste, po, jam e bindur se ligji është thyer, sepse ka mashtrime të dukshme“, përcjell albinfo.ch.
Nga pijet deri te detergjentët, versionet lindore të markave të shitura në gjithë Evropën janë gjetur në mënyrë të përsëritur të jenë në cilësinë e tyre më të ulët nga ato që shiten në Perëndim, tha Jourová, edhe kur ato janë të mbështjella në të njëjtin emër.
Ajo premtoi se do të detyrojë kompanitë shumëkombëshe të ndalojnë atë që ajo e konsideron si një përpjekje për të mashtruar konsumatorët në Evropën Lindore dhe tha se ata po bënin justifikime për një kohë të gjatë.
“Coca-Cola”, pijet e të cilëve në dyqanet sllovene u gjetën nga hulumtuesit që përmbanin më shumë sheqer dhe më shumë shurup frukto-glukozë sesa shitja në Austri, u përgjigj duke thënë se përshtatet me recetën e shijeve lokale. “Spar”, me produktin e saj të jogurtit të luleshtrydhës, në Slloveni u gjet të ketë 40% më pak luleshtrydhe se sa versioni austriak.
Siç raporton Monitor, marka të tjera të njohura, duke përfshirë “Lidl”, “Pepsi”, janë përfshirë gjithashtu në studimet e fundit.
Kompanitë këmbëngulën se aty ku ishin gjetur dallime në produkte të ngjashme me markat, kishin reaguar ndaj kërkesës lokale dhe jo zëvendësim të qëllimshëm.
Për momentin, Jourova ka deklaruar: “Unë nuk do të hezitoj të tregoj markat – edhe madje t’i inkurajoj njerëzit që të mos i blejnë ato. Unë jam mjaft e guximshëm për këtë”.
Florence Ranson, një zëdhënëse e “FoodDrink Europe”, grupi përfaqësues për industrinë, tha: “Do të doja të theksoja se ne i marrim shumë seriozisht akuzat e dyshuara të cilësisë së dyfishtë. Konsumatorët janë thelbësorë për biznesin tonë dhe po aq të rëndësishëm kudo që janë”.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë