Ekonomi
Euro po forcohet
Një tjetër faktor që po ndikon është edhe kthimi i shqiptarëve nga pushimet dhe si rrjedhojë gjallërimi i aktivitetit tregtar, që nxit kërkesën për valutë
![](https://www.albinfo.ch/wp-content/uploads/files/AE-exchange-euros-587x396.jpg)
Monedha euro po vazhdon të forcohet në Shqipëri. Sipas kursit zyrtar të Bankës së Shqipërisë, një euro është këmbyer me 133.5 lekë, 0.29 lekë më shumë se një ditë më parë.
Ky është niveli më i lartë që nga 14 qershori i këtij viti, që përkon me kohën përpara se të zhvilloheshin zgjedhjet në Shqipëri.
Më pas u shoqërua më një rënie të fortë të euros, që kulmoi në 27 qershor, duke arritur në 131.98 lekë, niveli më i ulët në 9 vjet, përcjell albinfo.ch.
Më pas, euro është forcuar lehtë dhe madje edhe gjatë periudhës sezonale, kur tradicionalisht humb pikë, nuk zbriti në nivelin e 27 qershorit.
Tashmë që efektet sezonale kanë mbaruar (emigrantët dhe turistët që sollën valutë janë larguar), euro po merr fuqitë, e ndihmuar dhe nga mbiçmimi i saj në bursat ndërkombëtare. Një tjetër faktor që po ndikon është edhe kthimi i shqiptarëve nga pushimet dhe si rrjedhojë gjallërimi i aktivitetit tregtar, që nxit kërkesën për valutë, shkruan ‘monitor’.
Në bursa, euro ka humbur pikë ndaj dollarit, duke zbritur në 1.185 dollarë, duke rënë nga niveli më i lartë i gati dy viteve, prej 1.2 dollarë që arriti një ditë më parë.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë