Lajme
Gjykata e Apelit lë në arrest shtëpiak aktivistët e Vetëvendosjes, kandidat për deputetë
Katër aktivistët e Lëvizjes Vetëvendosje të dyshuar për sulm me granatë dore ndaj Kuvendit të Kosovës në verën e vitit të kaluar, mbetën në arrest shtëpiak. Ata janë kandidatë për deputetët të Kuvendit të Kosovës në këto zgjedhje
![](https://www.albinfo.ch/wp-content/uploads/2017/06/lvvv-476x396.jpg)
Gjykata e Apelit në Kosovë i ka lënë në arrest shtëpiak, katër aktivistët e Lëvizjes Vetëvendosje të dyshuar për sulm me granatë dore ndaj Kuvendit të Kosovës në verën e vitit të kaluar. Mbrojtja e katër aktivistëve, të gjithë kandidatë për deputetët të Kuvendit të Kosovës, nuk kanë arritur ta bindin gjykatën se janë të pafajshëm për aktakuzën që u ngarkohet.
Të akuzuarit: Frashër Krasniqi, Adea Batusha, Atdhe Arifi dhe Egzon Haliti, me vendim të Gjykatës Themelore të Prishtinës mbetën nën arrestin shtëpiak, derisa të fillon procesi gjyqësor. Bashkë me ta, ka qenë i akuzuar edhe Astrit Dehari, i cili vdiq në rrethana të dyshimta në qendrën e paraburgimit në Prizren.
Avokati Tomë Gashi thotë se ankesa është dërguar në Gjykatën e Apelit të Kosovës në Prishtinë me kërkesë që kjo Gjykatë të ndërpres arrestin shtëpiak, sepse nuk është e drejtë që t’u pamundësohet të propozuarve për deputetë, të mos dalin në fushatë zgjedhore
Ndryshe, me 4 gusht të vitit të kaluar (2016), objekti i Kuvendit të Kosovës ishte sulmuar me një granatë hedhës, nga dy persona. Por, pa u mbushur një muaj, policia thotë se zbuloi sulmuesit, të cilët ishin 6 persona, aktivistë të Lëvizjes Vetëvendosje. Sipas Policisë, tre prej tyre ishin blerësit e motoçikletës dhe tre të tjerë logjistikë.
Por, më vonë njëri prej tyre u liria në mungesë provash, kurse Dehari vdiq në paraburgim. Prokuroria thotë se kjo ishte vetëvrasje, ndërsa LVV dhe mjekoligjorët e pavarur këtë e kanë konsideruar si vrasje. Megjithatë, të katër të akuzuarit e këtij rasti ishin deklaruar të pafajshëm në seancën e mbajtur më 28 shkurt të këtij viti ndërsa aktakuzën e kishin quajtur politike.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë