Shkurt.ch
Në Këshillin e të huajve në Kreuzlingen – tre shqiptarë
Në mesin e anëtarëve të Këshillit Ndihmës, janë Avni Avdyli dhe Liss Bakalli nga Kosova dhe Arlinda Alili, nga Maqedonia
Komuna e Kreuzlingen-it në kantonin Thurgau ka zgjedhur javën e kaluar anëtarët e rinj të Këshillit ndihmës të të huajve. Një këshill të tillë, që e kanë mjaft komuna zvicerane, Kreuzlingeni e pati themeluar në vitin 2008. Si i tillë ai ka për qëllim që tu ofrojë qytetarëve pa pasaportë zvicerane një mundësi pjesëmarrjeje në vendimet me rëndësi në shoqërinë ku jetojnë.
Në mbledhjen e mbajtur më 19 prill janë zgjedhur pesë anëtarë të rinj dhe janë rizgjedhur 11 nga përbërja e mandatit të kaluar.
Mandati 4 vjeçar i këshillit përkon periudhën legjislative të këshilltarëve komunalë dhe të organeve komunale. Në këtë kontekst, një komision zgjedhor i formuar në muajin shkurt ku bëjnë pjesë përfaqësues të bashkësisë së punës për migracion të Kreuzlingenit, nga këshilli ndihmës dhe nga qyteti kanë propozuar përbërjen e re të këshillit.
Komisioni përzgjedhës ka mbajtur tri mbledhje, me ç`rast ka zhvilluar biseda me të gjithë konkurruesit për këshillin e përmendur, për të konstatuar kompetencën gjuhësore dhe motivacionin e tyre.
Në fund, Kuvendi komunal në mbledhjen e tij të mbajtur më 19 prill ka miratuar propozimin e komisionit. Sipas tij, në mesin e anëtarëve të rinj të Këshillit Ndihmës, që do të fillojnë mandatin e tyre më 1 qershor, janë edhe dy nga Kosova: Avni Avdyli dhe Liss Bakalli. Një shqiptare tjetër, Arlinda Alili, nga Maqedonia ka qenë në këtë këshill edhe në mandatin e kaluar dhe ka vazhduar mandatin e dytë.
Anëtarët tjerë janë nga Gjermania, Turqia, Sllovenia, Sri Lanka, Portugalia, Franca, Spanja, Suedia , Danimarka, Filipinet dhe Sllovakia.
Siç shkruan gazeta St. galler Tagblatt, këshilli, në mandatin e kaluar nuk ka arsyetuar sa duhet ekzistimin e tij. Prandaj pritet që përbërja e re e tij të jetë më e angazhuar që të përfaqësojë me dinjitet pjesën e popullatës së qytetit që nuk ka të drejtë vote. E kjo pjesë në Kreuzlingen përbën saktësisht 50 për qind të banorëve!
E-Diaspora
-
Në Gjermani janë regjistruar më shumë se 200 mijë qytetarë nga Kosova Edhe pse të dhënat nga Gjermania nuk përputhën me ata nga Kosova...
-
Është hapur ekspozita e parë etnografike shqiptare në Zvicër
-
“Realitetet e luftës”: Alain Chin na e sjell në kujtesë luftën e Kosovës
-
Shoqata “ILIRËT” do të prezantohet me këngë e valle shqiptare në qytetin Gland
-
Kosovari nga Austria po voziste një veturë të vjedhur para 11 vjetëve
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin