Zhvillim
Prezantohet Autostrada e tretë kosovare, Prishtinë-Gjilan-Konçul
Autostrada e cila u prezantua sot ka një gjatësi 47.1 kilometra, e cila përbëhet prej shtatë segmenteve. Gjerësia do të jetë 32 metra, ndërsa në kuadër të këtij projekti do të jenë katër ura
Përfaqësuesit e Qeverisë së Kosovës kanë prezantuar sot para kryetarëve ë komunave të rajonit të Anamoravës, projektin më të infrastrukturor, atë të autostradës së tretë kosovare Prishtinë-Gjilan- Konҫul q njohur si R7.1. Kjo autostradë do të jetë e gjatë rreth 40 kilometra dhe konsiderohet tepër e rëndësishme për vendin.
Projektin e autostradës së tretë e prezantoi ministri i Infrastrukturës, Lutfi Zharku:
“Është kënaqësi për mua që të ju drejtohem në këtë takim të rëndësishëm në të cilin po shpalosim disa nga projektet më vitale për ekonominë e Kosovës, me theks në komunën e Gjilanit dhe tërë Anamoravën. Më duhet të theksoj se ky takim konfirmon seriozitetin e Qeverisë së Kosovës për përmirësimin e infrastrukturës rrugore dhe lidhmërisë së të gjitha qyteteve dhe vendbanimeve të kësaj ane me tërë Kosovën:, tha ai.
Listën e projekteve të mëdha për Kosovën, siç tha ai, po përmbyllet me autostradën Prishtinë – Gjilan – Dheu i Bardhë në gjatësi prej 50 kilometra, që është edhe arsyeja kryesore e këtij takimi të sotshëm.
“Tanimë ne kemi dorëzuar në BERZH projektin preliminar si dhe draftin fillestar të Vlerësimit të Ndikimit Shoqëror dhe Mjedisor dhe presim përgjigje pozitive nga ata. Në ndërkohë ne po shqyrtojmë edhe mundësinë e fillimit të financimit të segmentit të parë të këtij projekti gjegjësisht segmentin Prishtinë – Gjilan përmes buxhetit të Republikës së Kosovës, gjë që do të reflektohet në buxhetin për vitin 2017”, tha Zharku.
Ndërsa, kryetari i Komunës së Gjilanit, Lutfi Haziri, shprehu falënderimin për Ministrinë e Infrastrukturës, përkatësisht ministrin, Lutfi Zharku, për përkrahjen e madhe në investimet infrastrukturore në këto anë.
Autostrada e cila u prezantua sot ka një gjatësi 47.1 kilometra, e cila përbëhet prej shtatë segmenteve. Gjerësia e kësaj autostrade do të jetë 32 metra. Në kuadër të këtij projekti do të jenë katër ura. Kjo autostradë do të lidhë koridorin 6, 7 dhe 10.
Pjesëmarrës në këtë prezantim ishin kryetari i Komunës së Gjilanit, Lutfi Haziri, kryetari i komunës së Kamenicës, Begzad Sinani, kryetari i komunës së Vitisë, Sokol Haliti, kryetari i komunës së Kllokotit, Sreqko Spasiq, kryetari i komunës së Ranillugut, Gradimir Mikiq dhe kryetari i komunës së Novobërdës, Svetislav Ivanoviq.
Të tjera nga Zhvillim
E-Diaspora
-
Naim Dina u zgjodh asamblist në qytetin Renens të Kantonit Vaud "Ju informoj se jam zgjedhur këshilltar komunal në grupin e këshilltarëve të Partisë Socialiste", shkruan ai...
-
Presidentja Osmani takoi mërgatën në Francë
-
Vjenë: Shqiptarja tregon historinë e saj frymëzuese
-
Berlin: Shija dhe cilësia e produkteve shqiptare u komentua pozitivisht në Festivalin Mbarëkombëtar të Gastronomisë
-
51 kompani nga Kosova u prezantuan në panairin e gastronomisë shqiptare në Berlin
Jeta në Zvicër
-
Raportohet një vjedhje e çuditshme në Zvicër Një fermer delesh në kantonin Aargau po kruan kokën pas një krimi shumë të çuditshëm. Michael...
-
Zvicër: çmimi i benzinës, më i ulëti në tri vitet e fundit
-
Muriel qëndroi e lënduar për më shumë se një orë
-
Studimi në Universitetin e Friburgut: Puna është e keqe për shëndetin tuaj
-
Rritet shkalla e papunësisë në Zvicër