Shkurt.ch
Therë me thikë dhe lirohet nga akuza
Një zviceran nga Buchs-i në Zvicër, ka pasur shumë fat. Edhe pse gjatë festës “Dorf-Chilbi” në Buchs, e kishte therë në qafë një shqiptar nga Kosova, ai u lirua nga akuza për “përpjekje për vrasje” për shkak të vetmbrojtjes.
Ngjarja kishte ndodhur më 27 shtator 2008, ditë e shtunë, kur në atë kohë, ndihmës punëtori 18-vjeçar nga Buchs-i, kishte vizituar festën në fjalë së bashku me një shok tjetër. Rreth orës 20.00, ata u implikan në një zënkë me një grup tjetër të shqiptarëve nga Kosova.
Zvicerani i akuzuar kishte nxjerrë një thikë me të cilën kishte dashur t’i frikësojë kundërshtarët e vet dhe menjëherë pas kësaj kishte filluar të ikë, por pas 25 metrave, ai ishte zënë nga kosovari, i cili ka dashur ta rrahë. Gjatë kësaj, zvicerani papritmas e therë kosovarin në qafë. Pasi kosovari lëndohet rëndë dhe është dashur të operohet, autori i veprës largohet për në shtëpi dhe prej atje e lajmëron policinë.
Përderisa prokurori ka kërkuar dënim prej katër vitesh burg për veprën penale “përpjekje për vrasje” dhe “shkelje e Ligjit për armëmbajtje”, avokati mbrojtës është deklaruar për lirim nga akuzat.
Në ndërkohë, i akuzuari është deklaruar i pafajshëm duke potencuar se kishte të bëjë me një kundërshtar më të fuqishëm. Që të dy palët u pajtuan se bëhet fjalë për një vetmbrojtje, por prokurorja Claudia Wiederkehr ka deklaruar se vetmbrojtja në këtë rast është tejkaluar.
Mbrojtësi Max Bleuler ka pasur një këndvështrim tjetër, duke thënë se shkaktimi i plagës nga klienti i vet nuk ka qenë cak i sulmit, por një formë e aryeshme e mbrojtjes.
Duke u mbështetur në një vendim të Gjykatës Federale, edhe Gjykata e Lartë vendos që i akuzuari të lirohet nga akuza “përpjekje për vrasje”, ndërsa për “shkelje e Ligjit për armëmabjtje”, zvicerani do të duhet të paguajë një shumë prej 100 frangash zvicerane, për 150 norma ditore.
E-Diaspora
-
Shqiptarja, një pianiste dhe pedagoge e shquar e pianos në Bernë Eni Dibra Hoffmann ka lindur në një familje të shquar artistësh, me një trashëgimi të pasur...
-
Stilistja shqiptare Nensi Dojaka bashkëpunon me Calvin Klein
-
Kryetarja e Qeverisë së Kantonit të Cyrihut pret ambasadorin Latifi
-
Swissalbs, tani edhe në Bernë: E nis me një debat mbi politikat e banimit
-
Edicioni i pestë, një dëshmi e qartë për rritjen e festivalit “Kino Kosova”
Jeta në Zvicër
-
Berset merr detyrën si Sekretar i Përgjithshëm i Këshillit të Evropës Ish-këshilltari federal, Alain Berset, u zgjodh Sekretar i Përgjithshëm nga Asambleja Parlamentare e Këshillit të Evropës...
-
Pas skandalit të nënshkrimeve të rreme, gjashtë palë bëjnë thirrje për grumbullim dixhital të nënshkrimeve
-
Gjobat e papaguara të parkimit u kushtojnë shumë komuniteteve
-
Këshilli Kombëtar dëshiron të forcojë rregullat e sigurisë në qendrat e azilit
-
A mund të kërkoni përfitime papunësie në Zvicër nëse e lini punën?