Zhvillim
Për herë të parë në Zvicër, panair për kompanitë nga Kosova
Panairi do të mbahet më 18,19 dhe 20 qershor në Markthalle Langenthal Herzogstrasse 6, 4900 Langenthal në një hapësirë prej 1.800 m/2
Në bashkëpunim me Odën Ekonomike të Kosovës (OEK) dhe Odën Ekonomike të Maqedonisë, Kompania “Albpress” organizon në Zvicër Panairin e përgjithshëm ndërkombëtarë “Zvicra – 2016”.
Panairi do të mbahet më 18,19 dhe 20 qershor në Markthalle Langenthal Herzogstrasse 6, 4900 Langenthal në një hapësirë prej 1.800 m/2. Në Panair marrin pjesë ndërmarrjet nga Kosova, Maqedonia Shqipëria, Zvicra dhe më gjerë.
Kompania “Albpress”, me seli në Winterthur të Zvicrës dhe Oda Ekonomike e Kosovës (OEK) kanë nënshkruar një Memorandum bashkëpunimi me pikësynim organizimin e Panairit për përkrahjen dhe zhvillimin e ekonomisë në Kosovë. Me këtë memorandum OEK-u dhe Kompania “Albpress”, pajtohen që për interesa të përbashkëta të asistojnë, promovojnë, përkrahin dhe të ngritin nivelin e bashkëpunimit reciprok në mes tyre.
Ndër të tjera me këtë memorandum bashkëpunimi OEK-u dhe Kompania “Albpress”, së bashku do të kontribuojnë në drejtim të zhvillimit, përkrahjes dhe promovimit të produkteve vendore që t’i nxjerrin në tregun ndërkombëtar dhe ofrimit të shërbimeve përkatëse për ndërmarrjet e interesuara.
Drejtori i kompanisë, “Albpress”, Sulejman Sulejmani, ka thënë se qëllimi i organizimit të Panairit është sensibilizimi i kompanive që produktet e tyre t’i nxjerrin në tregun ndërkombëtar.
“Kompanitë pjesëmarrëse do të kenë mundësi që nëpërmjet këtij panairi të lidhin kontrata biznesore me kompani nga shteti helvetik. Misioni i ynë si kompani, bashkë me partnerët tanë, është që ta rrisim interesimin për produktet tjera që nuk janë në tregun zviceran. Kjo nënkupton që produktet dhe shërbimet cilësore që ekspozohen në panair të bëhen pjesë e kompanive dhe familjeve në Zvicër”, ka deklaruar Sulejmani.
Sipas tij, mision tjetër i këtij panairi është edhe mundësia që kompanitë pjesëmarrëse të kontaktojnë direkt me përfaqësues të kompanive të mëdha zvicerane, të cilët për tri ditë rresht do të jenë të pranishëm në panair. Vlen të theksohet se në këtë panair kanë konfirmuar pjesëmarrjen edhe përfaqësues të kompanive që shumë produkte të ndryshme nga Ballkani i kanë futur në tregun zviceran.
Të tjera nga Zhvillim
E-Diaspora
-
24 orë në ditë në shërbim të pacientit: Spitex Mednest24 Spitex Mednest24 kontribuon në përmirësimin e cilësisë së jetës së njerëzve të moshuar ose të sëmurë...
-
Votimi në diasporë, ambasada e Kosovës në Gjermani tregon procedurën e plotësimit dhe dërgimit të fletëvotimit
-
Gjermania me numrin më të lartë të votuesve jashtë Kosovës
-
Ja si mund të votoni nga jashtë!
-
Ka mashtruar me baste sportive: Gjykata Federale konfirmon dëbimin e kosovarit
Jeta në Zvicër
-
Informacionet kryesore në lidhje me ndalimin e ri të Rottweiler në kantonin e Cyrihut Në kantonin e Cyrihut që nga fillimi i vitit ka qenë në fuqi një ndalim i...
-
Zvicër: Ftohtë të premten, pritet bora e radhës në ultësira
-
Faturat që duhet të paguani në Zvicër para fundit të janarit
-
Banka Kombëtare e Zvicrës pret të mbyllë vitin financiar 2024 me 80 miliardë franga fitim
-
Fuqia punëtore zvicerane e prodhimit të orëve mbetet e qëndrueshme në tregun e vështirë