Lajme
Premiera e filmit të Endrit Sadikut në Bazel u hap me fjalën e ministrit Jans
Premiera e filmit dokumentar të Endrit Sadikut, në Stadtkino Basel, hapet me fjalimin e ministrit të Brendshëm, z. Beat Jans.
Në kinemanë “Stadtkino Basel” u shfaq dokumentari i regjisorit dhe kandidatit për Parlamentin kantonal të Bazelit, Endrit Sadikut. Ky film është pjesë e tezës së tij të punës së masterit në Universitetin e Punës Sociale FHNW, që trajton dhunën në parkun “Dreirosenanlage”, shkruan albinfo.ch.
Premiera u hap me fjalimin përshëndetës të ministrit të Brendshëm, Beat Jans, i cili vlerësoi projektin si një kontribut të rëndësishëm në debatin publik për çështjet rinore.
Fjala e hapjes u mbajt nga Kryetari i Parlamentit të Bazelit, z. Claudio Miozzari.
Pas filmit, një panel ekspertësh nga institucione të Bazelit analizuan tematikën e trajtuar dhe vlerësuan punën e z. Sadikut për sjelljen e perspektivave të të rinjve, zërat e të cilëve shpesh mbetën në hije.
Dokumentari sjell në fokus përvojat e disa të rinjve të moshës 13-25 vjeç, duke shpjeguar sesi ata e perceptojnë parkun dhe sfidat me të cilat përballen. Filmi tregon rëndësinë e kësaj hapësire dhe rolin e punës rinore për të parandaluar margjinalizimin e tyre.
Në përfundim, paneli nënvizoi se bashkëpunimi mes institucioneve shtetërore dhe lokale është jetik për të krijuar një mjedis më të sigurt për të rinjtë. Ne kinemanë e mbushur plot, filmi i z. Sadiku u vlerësua si një sukses, jo vetëm për fushën akademike, por edhe për ndikimin e tij në komunitetin lokal.
E-Diaspora
-
Kurti flet me kongresistin amerikan Jason Crow për rolin e diasporës në SHBA Në margjina të Forumit të Varshavës për Siguri, Kryeministri i Republikës së Kosovës, Albin Kurti, shoqëruar...
-
Kopenhagë: Vijon shpërndarja e teksteve mësimore në shkollat ku fëmijët mësojnë gjuhën amtare
-
Toronto: Filmi shqiptar “Aroma e trëndafilit të kuq” fitoi çmimin “Best Drama”
-
Zvicër
Anda Skeja doktoron në Universitetin EPFL për Matematikë
-
“Greenhouse” fillon zgjerimin e kapaciteteve, synohet të prodhohet një shtëpi e gjysmë në ditë
Jeta në Zvicër
-
Zvicër: A duhet të hiqen të moshuarit nga sigurimi shëndetësor? Njëra nga idetë e ngritura është se disa ngjarje duhet të paguhen nga qeveria – dhe...
-
A po i shkel Zvicra ligjet e ekonomisë?
-
Dallimet në paga në bazë të gjinisë dhe kombësisë, në Zvicër
-
Vazhdojnë hetimet për vdekjen e çiklistes së re
-
Nga sot, Zvicra me rregulla më të rrepta të duhanit