Feja
Sonte shfaqet dokumentari “Besa” në Kinema du Bourg
Sonte në Kinema du Bourg do të transmetohet filmi "Besa, la promesse", Rue de Bourg 51, 1003 Lausanne. Hyrja falas.
![](https://www.albinfo.ch/wp-content/uploads/2015/02/dokumentari-besa-470x396.png)
“Besa: la promesse” një dokumentar i realizuar nga regjisorja amerikane Rachel Goslins do të transmetohet falas në kinemanë e njohur të Lozanës “du Bourg”. Kjo mbrëmje është e organizuar nga albinfo.ch në kuadër të javës së Ekspozitës “Besa” e cila qëndron e hapur në Lozanë prej datës 10 deri me 21 shkurt (Forum de l’Hôtel de Ville).
“Në një vend të vogël, të quajtur Shqipëri, njerëzit e thjeshtë kanë bërë një gjë të thjeshtë. Por kur e mendojmë më mirë, nuk ishte edhe aq e thjeshtë, ata ishin heronj të mëdhenj”, thuhet në këtë film.
“Besa:la promesse” tregon historinë shumë pak të njohur të shqiptarëve, të cilët rrezikuan jetën e tyre për të shpëtuar jetën e hebrenjve gjatë Luftës së Dytë Botërore falë kodit të tyre të lashtë moral. Dokumentari zhvillohet përmes historisë së dy burrave, Norman Gershman, një fotograf hebre-amerikan dheRexhep Hoxhës, një shqiptari, babai i të cilit kishte strehuar hebrenj në atë kohë. Ai u kishte premtuar se një ditë ka për t’i kthyer një seri librash të fshehura në shtëpinë e tij. Me ndihmën e Norman Gershman, Rexhep Hoxha fillon hetimet për të gjetur familjen në fjalë gjë që e çon deri në Izrael, dhe këtë vetëm për të nderuar premtimin/besën e babait të tij.
Në hyrje, është paraparë edhe një bisedë e shkurtër me Profesorin Sami Sandhaus, një i mbijetuar/shpëtuar i Holokaustit.
Kinemaja do t’i hapë dyert në orën 19:30, ndërsa projeksioni i filmit do të fillojë në orën 20:00. Të gjithë të interesuarit janë të mirëseardhur për të ndarë mbrëmje ku do të ringjallet një pjesë e historisë së shqiptarëve.
« Besa : La promesse »
Rachel Goslins – USA – 2012 – vost – 86 min.
Të enjten me 12 shkurt 2015
Hapja e barit në ora 19h30
Fillon në ora 20:00
Hyrja falas
Të tjera nga Feja
E-Diaspora
-
Operacion ndërkombëtar antidrogë në Itali, mes të arrestuarve edhe një shqiptarë Një operacion ndërkombëtar antidrogë ka vënë në pranga 11 persona. 10 të përfshirë në trafikun e...
-
Udhëtimi në Kosovë i hap sytë politikanit të SVP-së: “Kemi paragjykuar”
-
Alban Ajdini punoi këpucë që mund të lidhen vetëm me një gisht
-
Nga Britania kthehen 47 shqiptarë që po qëndronin ilegalisht
-
Ambasada e Shqipërisë përkrahë iniciativën e studentëve shqiptarë në Zvicër
Jeta në Zvicër
-
Në disa spitale të Zvicrës tani duhet të mbani maskë Gripi ka detyruar shumë zviceranë të qëndrojnë në shtrat për javë të tëra. Në dimër qarkullojnë...
-
Këshilli Federal redukton kostot e energjisë elektrike për të gjithë
-
Mercenari i parë zviceran vdes duke luftuar në Ukrainë
-
Për një vit, 308 pasagjerë ndezën një cigare në bord të avionëve të kompanive zvicerane
-
Zvicër: Piku i gripit ende nuk është tejkaluar