Shqipëria
55-vjetori i rivendosjes së marrëdhënieve diplomatike mes Shqipërisë e Suedisë
![](https://www.albinfo.ch/wp-content/uploads/2024/06/448794761_789355883310526_3386693976571457993_n-570x396.jpg)
Shqipëria dhe Suedia festojnë 55-vjetorin e rivendosjes së marrëdhënieve diplomatike, përcjell albinfo.ch.
Nëse gjatë periudhës së rregjimit komunist kontaktet dhe shkëmbimet ishin të pakta e të vakta, dëshira dhe gatishmëria e përbashkët për të gjallëruar dhe zhvilluar marrëdhëniet u manifestua mënjeherë pas ndryshimeve.
Kështu, në maj 1991, z. Sten Andersson, ministri suedez i Punëve të Jashtme, vizitoi Shqipërinë në cilësinë e Kryetarit të Komitetit të Ministrave të Këshillit të Evropës, duke hapur kështu një epokë të re, e cila që atëherë vetëm është zhvilluar e pasuruar pareshtur.
Gjatë dy dekadave të fundit Suedia ka mbështetur në mënyrë të palëkundur procesin integrues-anëtarësues të Shqipërisë në Bashkimin Evropian, por edhe ka kontribuar në zhvillimin e vendit përmes Agjencisë Suedeze të Zhvillimit dhe Bashkëpunimit Ndërkombëtar.
Sot, Shqipëria dhe Suedia janë vende mike dhe partnerë, ndajnë të njëjtat vlera dhe udhëhiqen nga të njëjtët parime europiane, bazuar në respektimin e shtetit të së drejtës, promovimin e të drejtave të njeriut, mbështetjen e multilateralizmin dhe bashkëpunimin në trajtimin dhe zgjidhjen e sfidave globale.
Përmes përpjekjesh të përbashkëta, Shqipëria dhe Suedia synojnë të nxisin lidhje më të forta ekonomike dhe tregtare, të inkurajojnë investimet dhe të shumëfishojnë kontaktet njerëzore.
Ky përvjetor i gjen dy vendet tona edhe si vende aleate të NATO-s, në një moment të veçantë e sfidues për arkitekturën e sigurisë në Evropë. Dëshira dhe angazhimi i Shqipërisë është forcimi dhe zgjerimi më tej i marrëdhënieve mes dy vendeve në të ardhmen, përfshirë në kuadër të objektivit madhor të Shqipërisë, anetarësimi në BE.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë