10 fakte: Samsung apo iPhone më i mirë

Shpesh herë haset debati se kush nga markat, Apple apo Samsung, prodhon celularin më të mirë në botë

Për ta vendosur njëherë e mirë fituesin, janë marrë në krahasim celularët Iphone 11 dhe i sapo nxjerri në treg: Samsung Galaxy S20, transmeton Scan, përcjell albinfo.ch.

Ekran më i madh

S20 ka një ekran 6.2 inç, ndërkohë Iphone 11 e ka ekranin 6 inç

Ekrani i Samsung nuk kufizohet nga asgjë, ndërkohë Iphone ka një të prerë.

Sensori i kameras është më i madh tek Samsung

Ndërkohë që Iphone e ka rezolucionin e kamerës 12 megapixel, Samsung-ut i shkon deri në 108 megapixels.

Kamera e S20 zmadhon më shumë

Kamera e Iphone mund të zmadhojë deri në 10 herë, ndërkohë S20 ka aftësinë për të zmadhuar një foto deri në 100 herë.

Kamera e Samsung ofron disa mundësi vetëm me një të shtypur butoni, ndërkohë Iphone është i vakët nga opsionet.

Memorie më e lartë

Ndërkohë që Iphone në modelin bazë ofron 64GB në memorie, S20 ofron 128GB, plus mundësinë e një karte SSD.

Mundësia për 5G

Asnjë Iphone nuk zotëron akoma aftësinë për lidhje 5G, ndërkohë S20 mund tua ofrojë konsumatorëve këtë lehtësi.

Ekrani përditësohet më shpejt

Samsung shquhet për prodhimin e ekraneve të mirë, dhe këtë herë në S20 ka vendosur një ekran që rifreskohet me shpejtësinë 120HZ, ndërsa Iphone i Apple këtë shpejtësi e ka deri në 60HZ.

Siguri më e lartë dhe më e shpëjtë

Të dy celularët ofrojnë mundësinë e një sensori të gishtit, për të siguruar të dhënat e përdoruesit, por ndryshimi i Samsung është se këtë mundësi e ofron direkt në xham, duke shkurtuar kohën, por dhe rritur sigurinë nëpërmjet një sensori të ri.

Mundësia për të karikuar pajise të tjera

Të dy celularët mund të karikohen pa pasur nevojën e kabllove, por ndryshimin e bën sërish S20, që ofron mundësinë për t’i dhënë nga bateria e vet pajisjeve periferike si kufjeve etj, pa pasur nevojën e kabllove.

---