Bota
Shtetet më mikpritëse në botë
Me një rezultat prej 33.71 pikësh, Greqia siguron pozitën si vendi i dytë më mikpritës në botë dhe gjithashtu i pari në të gjithë Evropën
Një studim i ri nga Remitly ka zbuluar se Greqia është kombi i dytë më mikpritës në botë.
Kërkimi global përdori Testin e Personalitetit “Big 5” për të vlerësuar mirëkuptimin dhe dakordësinë ndër njerëz. Ky rezultat është shumë i rëndësishëm për Greqinë, ndërsa migracioni ndërkombëtar rritet dhe turizmi po rikthehet në nivelet para pandemisë.
Studimi, që vlerësoi individët nga vende të ndryshme për nivelin e tyre të mirëkuptimit, zbuloi se Afrika e Jugut kryeson listën e kombeve më mikpritëse me 34.63 pikë nga 40 të mundshme, me Greqinë dhe Kroacinë që e ndjekin nga afër, shkruan Scan, transmeton albinfo.ch.
Banorët afrikano-jugorë janë të njohur për ngrohtësinë dhe mikpritjen e tyre, duke e bërë të lehtë për vizitorët të ndihen rehat në këtë vend. Nuk është e pazakontë të përshëndetesh nga të panjohur të sjellshëm gjatë një shëtitjeje në rrugë, dhe popullsia vendase shquhet për natyrën sociale, të shoqëruar me sensin karakteristik të humorit.
Me një rezultat prej 33.71 pikësh, Greqia siguron pozitën si vendi i dytë më mikpritës në botë dhe gjithashtu i pari në të gjithë Evropën. Rezultati i lartë në mikpritje është një dëshmi e ngrohtësisë dhe mikpritjes që vizitorët mund të presin gjatë qëndrimit në tokën helene. Nuk është e pazakontë që grekët të ftojnë miqtë e rinj në shtëpinë e tyre për një vakt tradicional ose që vendasit t’u ofrojnë vizitorëve një tur të qytetit, duke e pasuruar me tregime nga historia dhe mitologjia.
Meksika u rendit e para nga vendet e Amerikës së Veriut, duke zënë vendin e katërt. Në vendin e pestë gjejmë Suedinë e më pas Australinë, ndërsa Kanadaja, Gjermania, Estonia e Belgjika mbyllin renditjen e 10 vendeve më mikpritëse sipas studimit.
Nga ana tjetër, fuqitë globale si Shtetet e Bashkuara dhe Mbretëria e Bashkuar renditën më poshtë në listë, duke u vendosur përkatësisht në vendin e 15-të dhe 18-të. Këto rezultate theksojnë se kombet më të vogla dhe ato që nuk kanë shumë influencë globale mund të udhëheqin në krijimin e mjediseve miqësore dhe mikpritëse.
E-Diaspora
-
Mall e dhimbje në përkujtimin e Dr. Sami Dalipit nga miqtë dhe kolegët Akademia përkujtimore në Langenthal të Bernës është organizuar nga Lidhja Shqiptare në Botë dhe Lidhja e...
-
2,700 kërkesa për regjistrim të votuesve jashtë Kosovës
-
Muzika e Linda Rukajt përplotëson festivalin “Kino Kosova” në Bernë
-
“L’excellence du sourcil”, një rrëfim 10-vjeçar suksesi në Lozanë
-
Zyra e re në Chur forcon praninë rajonale të smzh ag
Jeta në Zvicër
-
Si do të ndikojë tek ju plani i Zvicrës për të rritur TVSH-në? Që kur votuesit zviceranë miratuan një masë për të paguar një pension shtetëror shtesë për një...
-
Partia konservatore zvicerane kërkon referendum kundër Eurovizionit
-
Dënimi për përfundimin e martesës: Kush përfiton dhe kush humb?
-
Zvicra fiton 15 medalje në kampionatin botëror të aftësive
-
Zvicër: Ndërrimi i emrave të parë lejohet në rrethana të caktuara