Kosova
Osmani takon liderët e partive politike, diskutohet data e zgjedhjeve parlamentare
Pas takimit pritet konferencë për media nga presidentja Osmani.
Presidentja Vjosa Osmani të mërkurën ka mbajtur takim me liderët e partive politike në Kosovë për të diskutuar datën e zgjedhjeve të rregullta vitin tjetër. Në takim nuk pati asnjë përfaqësues të partisë në pushtet, Lëvizja Vetëvendosje.
Në takim morën pjesë kryetari i Partisë Demokratike të Kosovës, Memli Krasniqi, ai i Lidhjes Demokratike të Kosovës, Lumir Abdixhiku e kryetari i Aleancës për Ardhmërinë e Kosovës, Ramush Haradinaj. Mimoza Kusari-Lila përfaqësoi partinë Alternativa, kurse Faton Peci “Listën GUXO”. Ishin edhe disa parti të minoretit. Lista Serbe nuk ka kthyer përgjigje.
Në ftesën që presidentja u ka dërguar liderëve partiakë është paraparë që zgjedhjet të mbahen mes datave 26 janar dhe 16 shkurt të vitit 2025.
Pas takimit pritet konferencë për media nga presidentja Osmani.
Ka nisur takimi ndërmjet presidentes së Kosovës, Vjosa Osmani dhe kryetarëve të partive politike për të diskutuar datën e zgjedhjeve (14:15)
Në takim të pranishëm janë lideri i Partisë Demokratike të Kosovës, Memli Krasniqi, ai i Lidhjes Demokratike të Kosovës, Lumir Abdixhiku, i Aleancës për Ardhmërinë e Kosovës, Ramush Haradinaj, përcjell albinfo.ch.
Në takim nuk është i pranishëm lideri i Lëvizjes Vetëvendosje, Albin Kurti.
I pranishëm nuk është as nënkryetari i LVV-së, Glauk Konjufca, ashtu siç ishte paraparë.
Të pranishëm në takim nuk janë as nga Lista serbe.
Ndryshe, zgjedhjet e rregullta duhet të mbahen në periudhën nga 26 janar – 16 shkurt të vitit 2025.
Njohësi i procesit zgjedhor, Eugen Cakolli, ka thënë se zgjedhjet e rregullta parlamentare mund të mbahen në periudhën nga fundi i janarit deri në mes të shkurtit të vitit 2025.
“Datat e vetme të zgjedhjeve të rregullta që Presidentja mund t’i diskutojë me partitë politike në takimin e së mërkurës janë 26 janari, 2, 9 apo 16 shkurti. Presidentja ka kohë më së voni deri në mes të nëntorit për ta caktuar ndonjërën prej këtyre datave”, ka pohuar ai.
E-Diaspora
-
Shqipëri: Kostot për votimin e diasporës – një pjesë mbulohet nga shteti e pjesa tjetër nga votuesit Për herë të parë në zgjedhjet e pranverës 2025 shtetasit shqiptarë që jetojnë dhe punojnë jashtë...
-
Liridona Makica zgjidhet Sipërmarrësja e Vitit 2024 nga Swissalbs
-
Don Marjan Marku: Të promovohet dialogu ndërfetar dhe ndërkulturor
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
Jeta në Zvicër
-
Nuk arrihen synimet e qeverisë zvicerane për veturat elektrike Mungesa e pikave publike të ngarkimit të përballueshëm mund t'i bëjë blerësit e mundshëm të automjeteve...
-
Murat Yakin pas humbjes nga Spanja: Nëse Xhaka mungon, nuk ka zgjidhje
-
Lojërat Paraolimpike, Zvicra merr 21 medalje
-
Çfarë fshihet pas sistemit të pensioneve me tri shtylla?
-
Këtë javë pritet të ketë borë në Zvicër